Hörmüz gərginliyi neft qiymətlərini yenidən artırdı

SON XƏBƏRLƏR

Hörmüz gərginliyi neft qiymətlərini yenidən artırdı

2026.06.29, 15:57

Gunaz.tv

İran və ABŞ arasında Hörmüz boğazında yaranan yeni gərginliklər və enerji daşımalarının yenidən pozulması fonunda neftin qiyməti artıb.

Günaz TV-nin məlumatına görə, “Reuters” agentliyi bildirib ki, iyunun 29-u, bazar ertəsi günü neft qiymətləri ABŞ və İran arasında baş verən bir neçə günlük qarşıdurmalardan sonra Hörmüz boğazı üzərindən enerji daşımalarının yenidən ləngiməsi səbəbindən yüksəlib.

Məlumatlara əsasən, bazar ertəsi səhər Brent neftinin qiyməti təxminən 72 dollar 57 sentə, ABŞ neftinin qiyməti isə 70 dollar 11 sentə çatıb.

Bu, Brent neftinin ötən cümə günü 4 faizdən çox ucuzlaşaraq 71 dollar 99 sentə, ABŞ xam neftinin isə 69 dollar 23 sentə düşməsindən sonra baş verib.

Cümə axşamından etibarən Hörmüz boğazında gəmilərə qarşı yenidən hücumların baş verməsi, o cümlədən Qətərə məxsus neft tankerinə hücum, bu mühüm su yolunda hərəkəti ciddi şəkildə azaldıb.

Bu hücumlar ABŞ-ın reaksiyasına səbəb olub və müvəqqəti sülh razılaşmasının imzalanmasından sonra bölgədə ən ciddi gərginlik artımı kimi qiymətləndirilir.

GünAzTV
R.G

GUNAZ.TV

SON XƏBƏRLƏR