BMT məruzəçisi: ABŞ–İran memorandumunda insan hüquqları nəzərə alınmayıb

SON XƏBƏRLƏR

BMT məruzəçisi: ABŞ–İran memorandumunda insan hüquqları nəzərə alınmayıb

2026.07.01, 09:58

ABŞ və İran arasında imzalanmış anlaşma memorandumu insan hüquqları məsələlərini əhatə etmir və iranlıların hüquq pozuntularına görə ədalətə çıxış imkanını təhlükə altına qoyur.

Gunaz.tv

Bunu BMT-nin İranda insan hüquqlarının vəziyyəti üzrə xüsusi məruzəçisi May Sato bildirib.

Sato ötən cümə günü verdiyi müsahibədə deyib: “İran xalqı bu çərçivədə demək olar ki, görünmür. Memorandum geosiyasi maraqlara xidmət edir, lakin İran xalqını kənarda qoyur.”

O xəbərdarlıq edib ki, insan hüquqlarını əhatə etməyən razılaşma İranı müharibədən əvvəlki vəziyyətə qaytara və ya repressiyaların daha da güclənməsinə səbəb ola bilər.

“İnsan hüquqlarının vəziyyətini nəzərə almayan memorandum və yekun saziş ya ölkəni əvvəlki vəziyyətə qaytarmaq, ya da hesabatlılığın olmaması səbəbindən daha geniş repressiyalara şərait yaratmaq riski daşıyır”, – deyə o bildirib.

Satonun sözlərinə görə, memorandum demək olar ki, tamamilə hərbi qüvvələrin geri çəkilməsi, Hörmüz boğazının yenidən açılması və nüvə öhdəliklərinə yönəlib. Onun fikrincə, yalnız yenidənqurma fondu dolayısı ilə əhalinin ehtiyaclarına toxunur.

“Qeyd etmək lazımdır ki, iqtisadi çətinliklərin hamısı müharibə və ya sanksiyalarla bağlı deyil. Daxili siyasət qərarları da bu vəziyyətin yaranmasında rol oynayıb”, – deyə Sato vurğulayıb.

O bildirib ki, yekun razılaşmada edamların dayandırılması, özbaşına saxlanılan şəxslərin azad edilməsi, açıq internetə çıxışın təmin olunması və vətəndaş cəmiyyətinin fəaliyyətinin qorunması ilə bağlı müddəalar yer almalıdır.

GUNAZ.TV

SON XƏBƏRLƏR