Contact Us

SON XƏBƏRLƏR

WELT: İran hakimiyyəti Xameneinin dəfn mərasimlərində minlərlə insanın həlak ola biləcəyi ehtimalına hazırlaşır

2026.07.04, 13:50
WELT: İran hakimiyyəti Xameneinin dəfn mərasimlərində minlərlə insanın həlak ola biləcəyi ehtimalına hazırlaşır

Almaniyanın WELT nəşri gizli sənədə və Tehrandakı bələdiyyə mənbələrinə istinadən yazıb ki, İran hakimiyyəti Əli Xameneinin bir həftə davam edəcək dəfn mərasimləri zamanı 1 500–3 000 nəfərin həyatını itirə biləcəyi ehtimalına qarşı hazırlıq görür.

Gunaz.tv

Nəşrin məlumatına görə, İran rəsmiləri keçmiş ali dini liderin dəfn mərasimləri zamanı mümkün kütləvi insan itkisi ilə nəticələnə biləcək hadisələr üçün fövqəladə plan hazırlayıblar.

WELT-in iddiasına əsasən, İranın Qızıl Aypara Cəmiyyəti və Milli Böhran İdarəetmə Təşkilatının birinci vitse-prezident Məhəmməd Rza Arifə ünvanladığı məxfi məktubda 1 500–3 000 nəfərin ölə biləcəyi proqnozlaşdırılıb.

Məlumatda qeyd olunur ki, ölənlərin və itkin düşənlərin qeydiyyatı ilə məşğul olacaq xüsusi bölmə yaradılıb, Tehrandakı Behişt-e Zəhra qəbiristanlığında isə minlərlə yeni məzar hazırlanıb.

Təhlükəsizlik səbəbindən adı açıqlanmayan Tehran bələdiyyəsinin əməkdaşı WELT-ə bildirib ki, şəhərin böhran qərargahında çalışan həmkarları bu hazırlıqları təsdiqləyiblər.

“Hazırlanmış məzarlar həqiqətən mövcuddur. Məsul şəxslərə 3 minədək ölüm halının mümkün olduğu bildirilib. Belə böyük izdiham və bu qədər yüksək temperatur şəraitində nə baş verəcəyini heç kim bilmir”, – deyə o bildirib.

Xameneinin dəfn mərasimləri şənbə günü Tehranda başlayıb və Qum, İraqın Nəcəf və Kərbəla şəhərlərində davam etdikdən sonra cümə axşamı Məşhəddə dəfnlə başa çatacağı gözlənilir.

WELT yazır ki, Tehran hakimiyyəti paytaxtda genişmiqyaslı təhlükəsizlik və logistika planı hazırlayıb. Bu plana hərəkət məhdudiyyətləri, hava nəqliyyatında mümkün fasilələr, minlərlə avtobusun səfərbər edilməsi, müvəqqəti yeməkxanaların yaradılması, eləcə də məktəb və məscidlərin mərasim iştirakçılarının yerləşdirilməsi üçün istifadəsi daxildir.

Nəşrin məlumatına görə, İran rəsmiləri mərasimlərə 20 milyonadək insanın qatılacağını iddia edirlər. Lakin bu rəqəmi müstəqil şəkildə yoxlamaq mümkün deyil və İran hakimiyyəti dövlət tədbirlərini kütləvi dəstək nümayişi kimi təqdim etmək üçün oxşar göstəricilərdən tez-tez istifadə edir.

Nəşr qeyd edir ki, hazırlıqların bu qədər geniş olması İranın əvvəlki dəfn mərasimlərində baş vermiş faciələri yenidən gündəmə gətirib. 2020-ci ildə SEPAH komandiri Qasım Süleymaninin Kirmandakı dəfn mərasimində yaranan sıxlıq nəticəsində azı 56 nəfər həlak olmuş, 200-dən çox insan yaralanmışdı. 1989-cu ildə Ruhullah Xomeyninin dəfn mərasimində də izdiham nəticəsində azı 8 nəfər ölmüş, yüzlərlə insan xəsarət almışdı.

 

- Cəfər Cəfərli

 

Açar Sözlər :

SEÇİLMİŞ XƏBƏRLƏR

Çox oxunanlar