Səudiyyə Ərəbistanı İranın dəstəklədiyi qüvvələrinə qarşı hərbi cavaba hazırlaşır

SON XƏBƏRLƏR

Səudiyyə Ərəbistanı İranın dəstəklədiyi qüvvələrinə qarşı hərbi cavaba hazırlaşır

2026.07.04, 17:30

Gunaz.tv

Gunaz TV-nin məlumatına görə, Səudiyyə Ərəbistanının rəhbərlik etdiyi hərbi koalisiya husilərin bu ölkəyə qarşı hər hansı hücumu olacağı təqdirdə “qətiyyətlə və misli görünməmiş güclə” cavab verəcəyini açıqlayıb.

Yəməndə fəaliyyət göstərən husilər İranın dəstəklədiyi qruplaşmadır və Tehran tərəfindən maliyyə və silah yardımı alırlar.

Bu xəbərdarlıq İranın dəstəklədiyi husilərin Səudiyyə Ərəbistanının Yəmənin hava məkanını pozduğunu iddia edərək, bunun davam edəcəyi təqdirdə Səudiyyənin hava limanlarını və qurudakı, eləcə də dənizdəki həyati əhəmiyyət daşıyan obyektlərini hədəfə alacaqlarını bildirməsindən sonra səsləndirilib.

Husilərin hərbi sözçüsü də iddia edib ki, qruplaşmanın qüvvələri Sənadakı hava limanına enmək istəyən İran mülki təyyarəsinin qarşısını almağa çalışan Səudiyyə qırıcıları ilə qarşılaşıb. O vurğulayıb: “Səna ilə Tehran arasında uçuşlar davam edəcək.”

Bundan əvvəl husilərə bağlı media orqanları İran təyyarəsinin Əli Xameneinin dəfn mərasimində iştirak etmək üçün husi nümayəndə heyətini Tehrana aparmaq məqsədilə Səna hava limanına endiyini bildirmişdi.

Səudiyyə Ərəbistanının rəhbərlik etdiyi koalisiya yaydığı bəyanatda husilərin təhdidlərini Yəməndə törətdikləri əməllərdən diqqəti yayındırmaq cəhdi kimi qiymətləndirib və hərbi cavab verməyə hazır olduğunu bir daha vurğulayıb.

Gunaz TV
R.G

GUNAZ.TV

SON XƏBƏRLƏR