Contact Us

SON XƏBƏRLƏR

Qətər Hörmüz boğazı yaxınlığında tankerə olan hücuma görə İranın məsuliyyət daşıdığını bildirib

2026.07.07, 16:58
Qətər Hörmüz boğazı yaxınlığında tankerə olan hücuma görə İranın məsuliyyət daşıdığını bildirib

Qətərin Xarici İşlər Nazirliyinin sözçüsü Məcid Əl-Ənsari Hörmüz boğazı yaxınlığından keçərkən Qətərə məxsus Al Rekayyat tankerinin hədəfə alınmasını beynəlxalq gəmiçiliyə və qlobal enerji təchizatına qarşı "qəbuledilməz hücum" adlandırıb və buna görə İranın tam hüquqi məsuliyyət daşıdığını bəyan edib.

Gunaz.tv

Əl-Ənsari X sosial şəbəkəsində yazıb:

"Hörmüz boğazı yaxınlığından keçən Qətərə məxsus Al Rekayyat tankerinin hədəfə alınması beynəlxalq gəmiçiliyin təhlükəsizliyinə və qlobal enerji təchizatının təhlükəsizliyinə qarşı qəbuledilməz hücumdur."

O, hücumu "beynəlxalq hüququn, xüsusilə də dənizdə sərbəst naviqasiya və beynəlxalq su yollarından təhlükəsiz keçid hüququnu təmin edən normaların açıq və ciddi şəkildə pozulması" kimi qiymətləndirib.

Əl-Ənsari İranı "regionun təhlükəsizliyinə təsir göstərən və ya beynəlxalq gəmiçiliyin təhlükəsizliyini təhdid edən bütün fəaliyyətləri dərhal dayandırmağa", həmçinin "dar siyasi hesablamalar naminə qlobal enerji təchizatını və region ölkələrinin aktivlərini təhlükə altına qoymağa son verməyə" çağırıb.

"Bu hücuma və onun nəticəsində yarana biləcək bütün zərərlərə və fəsadlara görə İranı tam hüquqi məsuliyyət daşıyan tərəf hesab edirik", – deyə o əlavə edib.

 

C 

Açar Sözlər :

SEÇİLMİŞ XƏBƏRLƏR

Çox oxunanlar