İranda dollar 196 min tümən həddinə çatdı; Tramp: “İranın pulunun dəyərini məhv edirəm”

SON XƏBƏRLƏR

İranda dollar 196 min tümən həddinə çatdı; Tramp: “İranın pulunun dəyərini məhv edirəm”

2026.08.02, 08:32

ABŞ dollarının məzənnəsi İranda 196 min tümən həddinə yüksəldi; Donald Tramp “İranın pulunun dəyərini məhv edirəm” dedi.

Gunaz.tv

Gunaz TV-nin məlumatına görə, İranda ABŞ dollarının məzənnəsi yenidən artıb. İranın qeyri-rəsmi valyuta bazarında qiymətləri yayımlayan məşhur Telegram kanalları şənbə gecəsi, 1 avqust tarixində hər ABŞ dollarının 195 min 800 tümənə yüksəldiyini bildiriblər.

Həmin kanallar qızıl sikkənin qiymətinin də 192 milyon 505 min tümənə çatdığını açıqlayıblar.

Dollar və qızılın bahalaşması ABŞ mediasının Vaşinqtonun genişmiqyaslı hərbi kampaniya çərçivəsində yaxın vaxtlarda İranın enerji sektorunu hədəf ala biləcəyi barədə xəbərlər yaydığı bir vaxta təsadüf edir. Məlumatlara görə, bu addımın məqsədlərindən biri İran rejiminin gəmilərə hücum və raket imkanlarını zəiflətməkdir.

ABŞ Prezidenti Donald Tramp şənbə günü, 1 avqust tarixində Truth Social sosial şəbəkəsində paylaşdığı qrafiklə birlikdə bildirib: “İranın pulunun dəyərini məhv edirəm.”

İranda rialın dəyəri uzun illərdir ki, hökumətdəki korrupsiya, beynəlxalq sanksiyalar, yanlış iqtisadi idarəçilik və İran hakimiyyətinin səriştəsiz siyasəti səbəbindən davamlı şəkildə zəifləyir. Son dövrdə isə Tramp administrasiyasının iqtisadi sanksiyaları sərtləşdirməsi və İranın neft ixracını məhdudlaşdırmağa yönəlmiş tədbirləri fonunda milli valyutanın dəyər itirməsi daha da sürətlənib.

GunAz TV
R.G

GUNAZ.TV

SON XƏBƏRLƏR