Trampın açıqlaması nefti ucuzlaşdırdı

SON XƏBƏRLƏR

Trampın açıqlaması nefti ucuzlaşdırdı

2026.08.03, 09:33

Tehran və Vaşinqton arasında danışıqlara ümid neftin qiymətini 4 faizdən çox aşağı saldı.

Gunaz.tv

Gunaz TV-nin məlumatına görə, ABŞ Prezidenti Donald Trampın İranla danışıqların başlanacağını açıqlamasından sonra dünya bazarında neftin qiyməti bazar ertəsi 4 faizdən çox ucuzlaşıb. Brent markalı neftin bir bareli 83 dollar 88 sentə düşüb.

Qiymətlərin enməsi bazar iştirakçılarının Tehran və Vaşinqton arasında danışıqların başlanmasını geosiyasi gərginliyin azalacağı və neft tədarükü ilə bağlı risklərin zəifləyəcəyi gözləntisi ilə əlaqələndirməsi fonunda baş verib.

Eyni zamanda, ABŞ və Yaponiyanın koordinasiyalı müdaxiləsindən sonra Yapon yeninin dəyəri yüksəlib. Asiya fond bazarlarında isə əsas indekslər eniş göstərib, Yaponiya və Cənubi Koreya birjaları günü itkilərlə başa vurub.

Mütəxəssislərin fikrincə, neft qiymətlərindəki geriləmə investorların danışıqların nəticə verəcəyinə və regionda təhlükəsizlik risklərinin azalacağına dair gözləntilərinin artdığını göstərir. Bu prosesin yaxın günlərdə qlobal enerji bazarına da təsir göstərə biləcəyi bildirilir.

GunAz TV
R.G

GUNAZ.TV

SON XƏBƏRLƏR