İsveçrədə güneyli alpinistin anım mərasimi keçirilib

SON XƏBƏRLƏR

İsveçrədə güneyli alpinistin anım mərasimi keçirilib

2026.08.07, 13:49

İsveçrədə ərdəbil əyalətinin Xiyav (Meşgin) şəhərinən olan alpinist, vəkil və şair Mehri Cəfərinin anım mərasimi keçirilib.

Gunaz.tv

Bu haqda İsveçrədə yaşayan güney azərbaycanlılar məlumat verib.

Mərasimdə, Beynəlxalq Alpinizm Federasiyasının da üzvləri, güney azərbaycanlı, avropalı və dünyanın müxtəlif ölkələrindən olan alpinistlər iştirak ediblər.

Mehri Cəfərinin alpinizm sahəsindəki fəaliyyətləri barədə danışılıb, onun xatirəsi anılıb.

Qeyd edək ki, 1973-cü ildə anadan olan hüquqşünas, insan hüquqları fəalı və alpinist Mehri Cəfəri 2021-ci il avqustun 4-də Qırğızıstan və Çin sərhədində yerləşən, hündürlüyü 7939 metr olan təhlükəli Pobeda zirvəsindən tək endiyi zaman 6300 metr hündürlükdən yıxılaraq itkin düşüb.

Onun meyitinin tapılması üçün Britaniya və Macarıstandan olan 3 nəfərlik alpinist qrupu axtarış aparsa da, bu nəticə verməyib.

M.Cəfəri 7010 metr hündürlüyü olan Xan Təngri zirvəsinə tək qalxan ilk iranlı alpinist olub. O, bununla yanaşı Cənubi Amerikanın And dağlarının Çili və Boliviya sərhəddində yerləşən 6380 metr hündürlü olan Parinaquta zirvəsinə də tək qalxıb.

"ُSazımı kökləyirəm" və "Cazibə qüvvəsindən qorxmadan" şeir kitablarının müəllifi olan Mehri Cəfəri Beynəlxalq Alpinizm Federasiyasınn bir neçə mükafatına layiq görülüb.

Hüquq üzrə bakalavr dərəcəsini Tehran Universitetində alan qadın alpinist, insan haqları sahəsindəki fəaliyyətlərinə görə Tehran rejiminin təzyiq və təqiblərinə məruz qalıb və Britaniyaya köçüb. Orada da təhsilini davam etdirərək University of West London da ( Qərbi London Universiteti) beynəlxalq biznes hüququ üzrə magistr dərəcəsini, Londondakı Vestminster Universitetində isə hüquq lisenziyasını alıb.

GünAzTV

GUNAZ.TV

SON XƏBƏRLƏR