İranda dollar və sikkənin qiyməti yenidən bahalaşdı

SON XƏBƏRLƏR

İranda dollar və sikkənin qiyməti yenidən bahalaşdı

2026.08.22, 16:40

İranın azad bazarında dolların qiyməti şənbə günü 192 min tümənə, İmamı sikkəsinin qiyməti isə 208 milyon tümənə çatıb.

Gunaz.tv

İmamı sikkəsi cümə günü 202 milyon 500 min tümənə satılıb. Həftənin əvvəlində isə onun qiyməti təxminən 191 milyon tümən olub. Beləliklə, sikkənin qiyməti bir həftə ərzində təxminən 9 faiz bahalaşıb.

“Eghtesad News”un məlumatına görə, dünya bazarında qızılın qiyməti də əvvəlki günlə müqayisədə 101 dollar artaraq 4 min 603 dollara çatıb. İranda 18 əyarlı qızılın bir qramı 20 milyon 326 min 500 tümən, bir misqalı isə 88 milyon 50 min tümənə satılıb.

Dünya bazarında qızılın qiymətinin artması və unsiyanın iki gün ərzində təxminən 100 dollar bahalaşması daxili bazarda qızıl və sikkənin qiymətini dəstəkləyən amillərdən biri kimi göstərilir. Ekspertlər daha əvvəl bildirmişdilər ki, dolların 190 min tümən həddini keçməsi və dünya qızılının hazırkı səviyyədə qalması və ya bahalaşması İmamı sikkəsinin qiymətini 205-208 milyon tümənə yüksəldə bilər.

Bu yeni sıçrayış ABŞ-ın İrana qarşı iqtisadi təzyiqlərini artırdığı bir vaxtda baş verib.

GÜNAZ TV
R.G

GUNAZ.TV

SON XƏBƏRLƏR