Pezeşkian: Dövlətin işığı kəsilsin, amma istehsal müəssisələrinin elektrik enerjisi yox

SON XƏBƏRLƏR

Pezeşkian: Dövlətin işığı kəsilsin, amma istehsal müəssisələrinin elektrik enerjisi yox

2026.08.29, 21:36

Pezeşkian qışda istehsalın dayandırılmasını hökumətin qırmızı xətti elan edib.

Gunaz.tv

İran prezidenti Məsud Pezeşkian ölkədə enerji böhranının dərinləşməsinə toxunaraq, istehsalın qorunmasının və sənaye müəssisələrinin fəaliyyətinin davam etdirilməsinin hökumətinin prioritetlərindən olduğunu bildirib.

Pezeşkian şənbə günü İsfahanda videokonfrans vasitəsilə keçirilən infrastruktur layihəsinin açılış mərasimində deyib ki, hökumət qış aylarında su, elektrik, qaz və yanacaq istehlakını idarə edəcək, lakin istehsal sektorunun fəaliyyətinin dayandırılmasına imkan verməyəcək.

O vurğulayıb: “Lazım gələrsə, dövlətin elektrik enerjisi kəsilsin, amma sənaye müəssisələrinin elektrik enerjisi kəsilməsin” və əlavə edib ki, enerji istehlakının idarə olunması hökumətdən, dövlət qurumları və təşkilatlarından başlamalıdır.

İran prezidenti həmçinin bildirib ki, hökumət qışda enerji çatışmazlığını azaltmaq üçün bəzi fəaliyyətlərin birləşdirilməsi, məsafədən işin genişləndirilməsi və dövlət binaları və idarələrindən istifadənin tənzimlənməsi kimi tədbirlər görməyi planlaşdırır. Bununla qənaət edilən enerjinin istehsal və sənaye sektorlarına yönəldilməsi nəzərdə tutulur.

GünAz TV
R.G

GUNAZ.TV

SON XƏBƏRLƏR