İran yük maşınları Pakistan sərhədində qalıb

SON XƏBƏRLƏR

İran yük maşınları Pakistan sərhədində qalıb

2026.09.06, 09:16

İranın ticarət yük maşınlarının Pakistan sərhədində uzun müddət gözlədilməsi sürücüləri yanacaq çatışmazlığı və ərzaq yüklərinin xarab olması təhlükəsi ilə üz-üzə qoyub.

Gunaz.tv

GunAzTV-nin məlumatına görə, sürücülər bildirirlər ki, qaz daşıyan yük maşınlarının keçməsinə icazə verilir, lakin soyuduculu və tentli yük maşınları hələ də sərhəddə saxlanılır. Sürücülərin nə İrana qayıtmaq, nə də yüklərini Pakistanda boşaltmaq imkanı var.

Tehran Ticarət Palatasının Nəqliyyat Komissiyasının rəhbəri Peyman Sənəndəci də Rimedan sərhəd-keçid məntəqəsinin bu həcmdə yük maşınlarını qəbul etmək üçün lazımi infrastruktura malik olmadığını bildirib.

Bundan əvvəl də Pişin sərhədində çoxsaylı yük maşınlarının saxlanıldığı və hər bir yük maşını üçün təxminən 2 milyard 300 milyon tümən məbləğində yeni tarif müəyyən edildiyi barədə məlumatlar yayılmışdı.

İran rejiminin dəfələrlə “dost ölkə” və hətta Tehranla Vaşinqton arasında vasitəçi kimi təqdim etdiyi Pakistanın sərhədində İran yük maşınlarının belə vəziyyətdə qalması İranın ticarət əlaqələrinin nə qədər həssas olduğunu və rejimin xarici siyasətinin ölkə iqtisadiyyatına yaratdığı ağır nəticələri bir daha göstərir.

GunAzTV
R.G

GUNAZ.TV

SON XƏBƏRLƏR