Sonay: 22 sentyabr Azərbaycan folklorunda ənənəvi sevgi və məhəbbət günü

SON XƏBƏRLƏR

Sonay: 22 sentyabr Azərbaycan folklorunda ənənəvi sevgi və məhəbbət günü

2026.09.21, 20:31

Gunaz.tv

“Sonay” Azərbaycan mədəniyyəti və folklorunda qədim mərasim adlarından biridir. Adın “son” və “ay” sözlərinin birləşməsindən yarandığı bildirilir.

Azərbaycan folklor inanclarında “ay” xüsusi yer tutur. Sonay da yayın başa çatması, gecə ilə gündüzün bərabərləşməsi dövrü ilə əlaqələndirilir.

Xalq rəvayətlərində bu gecə Günəşlə ulduzlar arasında əbədi görüş sevgi və məhəbbətin simvolu kimi təqdim olunur. Bu məhəbbətin sonunun olmadığına inanılır.

Bu gün Sonayı da Sevgililər Günü kimi məhəbbət və sevginin simvolu olaraq qeyd etmək mümkündür. Məsələn, ay simvolundan bilərziklərdə və digər xatirə əşyalarında istifadə edilə bilər.

Azərbaycan folklor mənbələrinə görə, Sonay yayın sonuncu işıqlı ay gecələri və xüsusilə payız bərabərliyi ilə əlaqələndirilir. Bu zaman gecə ilə gündüzün uzunluğu təxminən bərabər olur. Xalq rəvayətlərində bu gecə “məhəbbət günü” və ya “məhəbbət gecəsi” kimi tanınır.

1405/2026-cı il üçün payız bərabərliyi 31 Şəhrivər 1405-ci il, yəni 22 sentyabr 2026-cı il tarixinə təsadüf edir.

Gunaz TV
R.G

GUNAZ.TV

SON XƏBƏRLƏR