Contact Us

SON XƏBƏRLƏR

Yəmən İrana: Silahlarınızı ölkəmizdən çıxarın, işlərimizə qarışmayın!

2026.10.17, 22:53
Yəmən İrana: Silahlarınızı ölkəmizdən çıxarın, işlərimizə qarışmayın!

Yəmənin xarici işlər naziri İrana sərt mesaj verdi: Silahlarınızı ölkəmizdən çıxarın, daxili işlərimizə qarışmayın!

Gunaz.tv

GunAz TV-nin məlumatına görə, Yəmənin xarici işlər naziri Əfrax əz-Zubə İranın xarici işlər naziri Abbas Əraqçinin Yəməndə münaqişə tərəfləri arasında dialoqun asanlaşdırılmasına kömək təklifinə sərt reaksiya verərək, Tehranı ölkəsinin daxili işlərinə müdaxiləyə son qoymağa və Yəmənin suverenliyinə hörmət etməyə çağırıb.

Əz-Zubə oktyabrın 17-də vurğulayıb ki, İran vasitəçilik təklifləri irəli sürmək əvəzinə, öz təsirini və silahlarını Yəməndən çıxarmalı, dövlətlərin suverenliyinə hörmət etməli və mehriban qonşuluq prinsiplərinə əməl etməlidir.

“Ən doğru addım İran hakimiyyətinin vasitəçilik təklif etmək əvəzinə, əlini və silahını Yəməndən çəkməsi, dövlətlərin suverenliyinə hörmət etməsi və mehriban qonşuluq prinsiplərinə riayət etməsidir”, – deyə Yəmənin rəsmi xəbər agentliyi Əl-Hadəsə istinadən nazirin sözlərini yayıb.

Əz-Zubənin bu açıqlaması Əraqçinin Bağdadda keçirilən İslam Əməkdaşlıq Təşkilatı Xarici İşlər Nazirləri Şurasının 92-ci iclasındakı çıxışına cavab olaraq səsləndirilib. İranın xarici işlər naziri ölkəsinin Ərəbistan yarımadasında baş verən hadisələrdən dərin narahatlıq keçirdiyini və əvvəllər razılaşdırılmış sülh yol xəritəsi əsasında tərəflər arasında dialoqun asanlaşdırılması üçün istənilən yardımı göstərməyə hazır olduğunu bildirmişdi.

Yəmənin xarici işlər naziri İranın vasitəçilik təşəbbüsünü qəbul etmək əvəzinə, Tehranın ölkənin daxili işlərinə müdaxiləsinə son qoyulmasını və silahlarının Yəməndən çıxarılmasını tələb edib. Bu mövqe Yəmən hökumətinin ölkənin suverenliyinin qorunması və xarici müdaxilələrin dayandırılması tələbini bir daha ortaya qoyur.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar