İranda sement zavodlarına qaz verilişi tamamilə dayandırılıb

SON XƏBƏRLƏR

İranda sement zavodlarına qaz verilişi tamamilə dayandırılıb

2026.11.04, 20:35

Mazut yandırılması hava çirklənməsini artırır.

Gunaz.tv

İran Sement Sənayesi İşəgötürənləri Assosiasiyasının katibi bildirib ki, noyabrın 1-dən etibarən ölkədəki bütün sement zavodlarına təbii qazın verilməsi tamamilə dayandırılıb. Nəticədə zavodlar alternativ yanacaq kimi mazutdan istifadə etməyə məcbur qalıblar.

Onun sözlərinə görə, sement sənayesi ilin əvvəlindən etibarən də ciddi qaz məhdudiyyətləri ilə üzləşib. Bu sahənin gündəlik 28 milyon kubmetr qaz tələbatına qarşı yalnız 5-6 milyon kubmetr qaz təmin edilib. Noyabrın 1-dən isə həmin həcm də tamamilə kəsilib.

Sement zavodlarında təbii qazın mazutla əvəzlənməsi hava çirklənməsinin daha da artması ilə bağlı narahatlıqları gücləndirir. Mazutun yandırılması zamanı kükürd dioksid və asılı hissəciklər kimi zərərli maddələr atmosferə yayılır. Bu isə sənaye zonalarında və zavodların ətrafındakı yaşayış məntəqələrində havanın keyfiyyətinə mənfi təsir göstərə bilər.

Xüsusilə soyuq mövsümdə havanın çirklənməsinin artdığı bir vaxtda sement zavodlarının mazutdan istifadəsi ekoloji və sağlamlıq risklərini daha da aktuallaşdırır.

GunAz TV
R.G

GUNAZ.TV

SON XƏBƏRLƏR