İranda qar uçqunu nəticəsində ölən alpinistlərin sayı 9 nəfərə çatıb

SON XƏBƏRLƏR

İranda qar uçqunu nəticəsində ölən alpinistlərin sayı 9 nəfərə çatıb

2021.10.20, 07:36

Gunaz.tv

GünAzTV: İki gün əvvəl İranın Loristan əyalətinin Oşterankuh məntəqəsində baş verən qar uçqunu nəticəsində ölən aipinistlərin sayı 9 nəfərə çatıb.

Bu barədə Loristan əyalətinin Qızıl Aypara Cəmiyyətinin əməliyyata nəzarət bölməsinin məsulu Əli Əziz Əmrai dekabrın 9-da jurnalistlərə açıqlamasında məlumat verib.

O bildirib ki, iki gün axtarışdan sonra qar uçqununda ölənlərdən 8-inin meyiti tapılıb: “İtkin düşmüş alpinist Əli Hüseyninin meyitini tapmaq üçün axtarış əməliyyatı davam edir. Həmçinin alpinist qrupundan 6 nəfər, özlərini sığınacağa çatdırdığı üçün sağ qalıb. Xilasedici qüvvələr və bölgəyə cəlb edilmiş iki helikopter cümə günü sübh saatlarında həmin şəxslərə yardım göstərərək, onları Qızıl Aypara Cəmiyyətinin Əbazər qərargahına köçürüblər”.

Əkrəm Həqqani

Qeyd edək ki, 2-si qadın olmaqla 14 alpinist, Əliqudərz sakini olan bələdçi alpinist Əmanullah Cokar ilə birlikdə dekabrın 7-də İranın Məşhəd şəhərindən Loristan əyalətinin Oşterankuh məntəqəsinə yola düşüblər. Onlar, dekabrın 8-də, Zaqros dağının qüllələrindən biri sayılan və yüksəkliyi 3850 metr olan “Kul Cünun” qülləsini fəth etdikdən sonra geri dönərkən güclü qar-boran və fırtına ilə qarşılaşıblar və az sonra baş verən qar uçqunu nəticəsində alpinistlərdən 9-u (Əlirza Ameri, Murtuza Qulampur, Turab Məcidzadə, Nasir Əkbəri, Məhşid Canməhəmmədi, Əkrəm Həqqani, Əli Qasımzadə, Əli Hüseyni və bələdçi Əmanullah Cokar) hündürlüyü iki metr olan qarın altına qalıb. 6 alpinist isə sığınacaqda qaldığı üçün ölümdən xilas ola biliblər.