Contact Us

SON XƏBƏRLƏR

İsfahanda cümə namazının qılınmasına mane olan əkinçilər, minbərdə çıxış edən axunda arxalarını çeviriblər - VİDEO

2021.10.20, 07:36
İsfahanda cümə namazının qılınmasına mane olan əkinçilər, minbərdə çıxış edən axunda arxalarını çeviriblər - VİDEO

Gunaz.tv

GünAzTV: Martın 15-də İsfahanda cümə namazının qılınmasına mane olan minlərlə əkinçi, bölgə suyunun Yəzd əyalətinə yönləndirilməsinə etiraz əlaməti olaraq minbərdə çıxış edən axunda arxalarını çevirərək şüarlar səsləndiriblər.

 

Minbərə və cümə namazının rəhbərinə arxalarını çevirərən əkinçilər, “Düşməndən üz çevir, üzü vətənə əyləş”, “Yalançı Ruhani, bizim Zayəndərudumuz (qurumuş çayın adı) hanı”, “Dövlət televiziyası, bizim utanc yerimizdir”, “Bu gün bizim qara günümüzdür, əkinçinin həyatı məhv olmaq üzrədir”, “Əkinçi ölər, zillətə dözməz” və “Əvvəlcə bizim problemimiz həll olunsun, sonra cümə namazı qılınsın” şüarları səsləndirən əkinçilər, əkin yerlərinin susuz qalmasına və İran prezidenti Həsən Ruhaninin problemin həlli ilə bağlı verdiyi vədlərə əməl etməməsinə etiraz bildiriblər.

 

Bildirilir ki, etirazçı kəndlilərin qəzəbini görən İsfahan cümə namazının rəhbəri, axund Muctaba Mirdamadi, minbər arxasından əkinçilərdən öz etirazları ilə xarici düşmənin əlinə bəhanə verməməyi xahiş edib: “Təəssüflər olsun ki, ölkənin bir sıra rəsmilərinin keçmişdə verdiyi səhv qərarlar, əkinçilərə qarşı ədalətsizliyə yol verilməsinə və onların hüquqlarının tapdanmasına səbəb olub.  Sizdən xahiş edirəm ki, ölkənin asayişinə və onun təhlükəsizliyinə riayət edəsiniz və bu etirazınızla düşmənin əlinə bəhanə və süjet verməyəsiniz. Sizi əmin edirəm ki, Allah siz əkinçilərin ah-naləsini eşidəcək və sizin üçün istədiyiniz qədər yağış yağdıracaq”.

 

Qeyd edək ki, son illər, su qıtlığından və əkin yerlərini bürümüş quraqlıqdan əziyyət çəkən isfahanlı əkinçilər, İsfahandakı “Zayəndərud” çayına axan suların naməlum səbəbə görə Yəzd əyalətinə yönləndirilməsinə etiraz bildirirlər.

 

VİDEO:

 

 

A.M

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar