YUNESKO-nun İnstaqram səhifəsi Novruz bayramını türk dilində təbrik etdiyinə görə fars irqçilərinin hücumuna məruz qalıb

SON XƏBƏRLƏR

YUNESKO-nun İnstaqram səhifəsi Novruz bayramını türk dilində təbrik etdiyinə görə fars irqçilərinin hücumuna məruz qalıb – GÖRÜNTÜ

2021.10.20, 07:36

Gunaz.tv

GünAz TV: Minlərlə iranlı farsdilli internet istifadəçisi YUNESKO-nun İnstaqram səhifəsinə hücum edərək onu Novruz bayramı (Oğuz bayramı) təbrikini türk dilində yaydığına görə söyüş və təhqirlərə məruz qoyublar.

Bayram günləri ərəfəsində baş verən hadisədə YUNESKO-nun ünvanına təhqiramiz ifadələr işlədilib. İraqçilər bildirib ki, “Novruz bayramı yalnız onlara aiddir, bu barədə hansısa qurum vəya təşkilat təbrik mesajı yaymaq istəyirsə, o yalnız fars dilində olmalıdır.”

Oxşar hadisə Teleqram sosial şəbəkəsində də baş verib. İrqçilər sosial şəbəkədə bayağı və təhqiramiz mətnlər yayaraq YUNESKO-nun bu mövqeyini etirazla qarşılayıblar.

Fars irqçilərinin internetdə bu kimi mədəniyyətdən kənar hərəkətləri bundan əvvəl də dəfələrlə müşahidə olunub. İrqçilər ulduz futbolçu Lionel Messi kimi dünyaşöhrətli simaları hədəfə alaraq onlara qarşı söyüş dolu şərh və statuslar yazıblar.

BMT-nin elm, təhsil və mədəniyyət təşkilatı olan YUNESKO rəsmi İnstaqram səhifəsində Novruz bayramını təbrik edərək onun əsasən İran, Hindistan, Qırğızıstan, Pakistan, Türkiyə, Özbəkistan, Tacikistan, Əfqanıstan, Azərbaycan Respublikası və İraqda qeyd olunduğunu diqqətə çatdırmışdır.

https://www.youtube.com/watch?time_continue=6&v=H6Jzo3XJjOQ

Bu arada Gilan Əyalətinin Bərəsər şəhərində Novruz bayramını türk dilində təbrik edən banner də fars irqçilərinin hücumundan amanda qalmayıb.

Üzərində türk və fars dilində “Sizin bayramınız mübarək” cümləsi yazılan bannerin türkcə yazılmış sözləri irqçilər tərəfindən silinib.

Fars irqçilərinin türk dilinə olan nifrətini sadə plakat və bannerlərdən tutmuş İranda bütün idman stadionları, dərsliklər, kütləvi informasiya vasitələri və sosial şəbəkələrdə müşahidə etmək hər zaman mümkündür. Onların türklərə qarşı dözümsüzlüyü və yol verdikləri təhqiramiz hərəkətlər sistemli şəkildə həyata keçirilir, bununla bağlı bir çox faktlar mövcuddur.

N.S

GUNAZ.TV

SON XƏBƏRLƏR