Contact Us

SON XƏBƏRLƏR

Şirazda daha 1 bəhai həbs edilib

2021.10.20, 07:36
Şirazda daha 1 bəhai həbs edilib

Gunaz.tv

GünAzTV: İranın Fars əyalətinin Şiraz şəhərində bəhai dininə mənsub daha 1 nəfər həbs edilib.

 

İrandakı hüquq müdafiəçilərinin yaydığı məlumata əsasən, ETTELAAT-ın Şiraz şöbəsinin əməkdaşları martın 28-də, əllərində hər hansı bir məhkəmə qərarı olmadan bəhai Fərəculla Bənqalənin evinə basqın edərək onu tutub aparıblar. Evdə axtarış aparılıb, bəhaiyə məxsus dini kitablar, kompüter, mobil telefon və digər şəxsi əşyalar götürülüb. Tutulan bəhainin hazırda ETTELAAT-ın Şirazdakı bölməsinin təcridxanasında saxlanıldığı bildirilir.

 

Bəhai, Fərəculla Bənqalənin konkret nədə günahlandırıldığı barədə hər hansı bir məlumat yayılmayıb.

 

Qeyd edək ki, rəsmi statistikaya görə, hazırda İranda 350 mindən çox bəhai yaşayır. İran İslam Respublikası konstitusiyası bəhai dinini müstəqil bir din kimi tanımır. Elə buna görə də, son 40 ildə ölkədə bəhailərin sərbəst təhsil almasına və onların dövlət idarələrində işə götürülməsinə qadağa qoyulub, digər hüquqları məhdudlaşdırılıb. İrandakı ruhanilərin təhriki ilə “Hizbullah”çı dəstələr, vaxtaşırı bəhailərin iş yerlərinə hücum edir, mağazalarını bağlatdırır və ya yandırır, qəbiristanlıqlarını dağıdırlar. 1979-cu ildə İranda üzdəniraq islam hakimiyyəti qurulandan bu günə kimi, ölkədə yüzlərlə bəhai edam edilib.

 

 

A.M

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar