Tanınmış güney azərbaycanlı bəstəkar Nasir Çeşmazər vəfat edib

SON XƏBƏRLƏR

Tanınmış güney azərbaycanlı bəstəkar Nasir Çeşmazər vəfat edib

2021.10.20, 07:36

Gunaz.tv

GünAz TV: Güney azərbaycanlı musiqişünas, tanınmış bəstəkar Nasir Çeşmazər ürək infarktı nəticəsində vəfat edib.

Mayın 4-ü səhər saatlarında vəfat edən tanınmış incəsənət xadimi 1950-cı il dekabrın 31-də Ərdəbildə dünyaya göz açıb. O atası İsmayılın yardımı ilə musiqi sənətində ilk addımlarını atıb.

Azərbaycanın dahi musiqiçilərindən biri olan N.Çeşmazər uşaq yaşlarında akkordeon çalmağı öyrənib.

Onun atası İsmayıl və böyük qardaşı Mənuçehr də tanınmış incəsənət xadimi və musiqiçi olublar. İsmayıl Çeşmazər Bakıda musiqi təhsili alıb, onun kamança, piano, tar, akkordeon və dəf çalmaqda xüsusi məharəti olub. O kamança, dəf və tar kimi musiqi alətləri düzəltməkdə də məşhur olub.

N.Çeşmazər 12 yaşında atası ilə birlikdə Təbriz Radiosunun Azərbaycan Orkestrinə daxil olub, 13 yaşında isə orta məktəb səviyyəsində keçirilən müsabiqədə akkordeon üzrə xüsusi mükafata layiq görülüb. O elektron sazlarında ifa etməkdə də mahir sənətkar olub. “Eşq yağışı” albomu onun şah əsərlərindən biridir.

N.Çeşmazər 1979-cu ildə musiqi təhsilini davam etdirmək üçün Amerika Birləşmiş Ştatlarına gedib, o 5 il film və caz musiqisi üzrə təhsil aldıqdan sonra 1984-cü il aprelin 29-da vətəni Ərdəbilə qayıdıb və burada musiqi fəaliyyətini davam etdirib.

N.S

GUNAZ.TV

SON XƏBƏRLƏR