“Traxtur” tərəfdarları “Qalatasaray”ın qələbə şənliyində

SON XƏBƏRLƏR

“Traxtur” tərəfdarları “Qalatasaray”ın qələbə şənliyində - GÖRÜNTÜ

2021.10.20, 07:36

Gunaz.tv

GünAz TV: Məlum olduğu kimi, “Qalatasaray” komandası Türkiyə Superliqasının 2017-18 mövsümündə rəqibi “Göztəpə”yə qalib gələrək super liqa yarışlarının çempionu olub.

Qardaş ölkənin komandasının qələbə şənliyində Təbrizin “Traxtur” futbol komandasının tərəfdarları da iştirak edib.

Bəzi “Traxtur” tərəfdarları şənlikdə sevimli komandalarının loqo və bayrağını nümayiş etdiriblər.

Qeyd etmək lazımdır ki, son vaxtlar Türkiyədə “Traxtur” tərəfdarlarının sayı sürətlə artır. Güney Azərbaycanın bu komandası artıq türk dünyasında ən çox tərəfdarı olan komandalardan biri kimi qəbul olunur.

Mayın 19-da XXXIV turun son 4 qarşılaşması baş tutub. Sonuncu turun ilk günündə medallara iddiası olmayan komandalar meydana çıxmışdısa, mövsüm çempion və digər mükafatçıların müəyyənləşməsi ilə başa çatıb. İddialıların hamısı mövsümü qələbə ilə başa vura bilib.

Bu turadək izləyicilərindən 3 xal öndə qərarlaşan “Qalatasaray” İzmir səfərində “Göztəpə” ilə qarşılaşıb. Çempionluq üçün 1 xala ehtiyacı olan Fatih Terimin yetirmələri səfərdən qələbə ilə dönüb. Bu qələbə “sarı-qırmızılar”a çempionluq qazandırıb.

“Qalatasaray” həm də Çempionlar Liqasının qrupuna yüksəlib. “Fənərbaxça” 2-ci yerlə kifayətlənib və Çempionlar Liqasının təsnifat mərhələsində oynamalı olacaq. “Başakşəhər” bürünc mükafata yiyələnibsə, “Sivasspor”u darmadağın edən “Beşiktaş” medalsız qalıb.

N.S

GUNAZ.TV

SON XƏBƏRLƏR