Contact Us

SON XƏBƏRLƏR

“Azərbaycan mədənlərinin bank hesabları mənsub olduğu əyalətə intiqal edilməlidir”- Şərqi Azərbaycan valisi

2021.10.20, 07:36
“Azərbaycan mədənlərinin bank hesabları mənsub olduğu əyalətə intiqal edilməlidir”- Şərqi Azərbaycan valisi

Gunaz.tv

GünAz TV: Şərqi Azərbaycan valisi Məcid Xudabəxş Azərbaycan mədənlərinin talanmasına etiraz edərək Şərqi Azərbaycan mədənlərinin bank hesablarının mənsub olduqları əyalətə intiqal edilməsini tələb edib.

 

O Süngün Mis Mədənində pul dövriyyəsi ilə bağlı  Əyalət üzrə Mədən Şurasının keçirdiyi iclasda çıxış edib.

 

“Şirkət, İran Milli Mis Şirkətindən asılı olduğuna görə müstəqil deyil, bu səbəbdən də pul dövriyyəsi prosesinin sürəti aşağıdır. Lakin bu məsələ öz həllini tapmalıdır”- deyə o bildirib.

 

6-cı inkişaf proqramına dair qanunun 43-cü maddəsinin 4-cü bəndinə işarə edən vali bildirib ki, “Bu qanuna görə Süngün Mis Şirkətinin bank hesabı əyalətdə açılmalıdır. Bu şəkildə şirkətin gəlirləri əyalətin banklarına daxil olar və şirkətin maliyyə işləri və vergi məsələləri də əyalətdə yoxlanılar. Bu şirkətin 2 min milyard tümən dəyərində satışı olur. Bu məbləğ əyalətin banklarında dövriyyəyə girməlidir.”

 

M.Xudabəxş bölgədə olan mis, qızıl və digər mədənlərə işarə edərək vurğulayıb ki, “bütün mədənlərin maliyyə məsələləri və pul dövriyyəsi əyalətin nəzarətində olmalıdır. Bu prosesin əyalətin xaricində aparılması təmami ilə qəbuledilməzdir.”

 

Azərbaycan Süngün Mis Mədəni Yaxın Şərqin ən böyük qızıl mədənidir. Bu mədəni çalışdıran şirkətin bank hesabları Kirman və Tehran şəhərlərində yerləşir. Mədəndən əldə olunan gəlir isə yerli olmayan fiziki şəxs və şirkətlərə nəsib olur. Bu məsələ uzun illərdir yerli əhali və bəzi məsulların etirazına səbəb olub.

Son vaxtlar Təbrizin millət vəkili Şəhabəddin Bimiqdar, Vərziğanın imam cüməsi cənab Məhdəvi və Təbrizin imam cüməsi Al-i Haşim sözügedən mədəndən əldə olunan gəlirin yerli əhaliyə nəsib olmamasından şikayətlənib, onun bank hesabının Şərqi Azərbaycana intiqal edilməsini tələb ediblər.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar