Contact Us

SON XƏBƏRLƏR

Güney Azərbaycanda növbəti dəfə intihara cəhd hadisəsi baş verib: Bir həftəyə 5 intihar

2021.10.20, 07:36
Güney Azərbaycanda növbəti dəfə intihara cəhd hadisəsi baş verib: Bir həftəyə 5 intihar

Gunaz.tv

GünAz TV: Güney Azərbaycan şəhərlərində intihar hadisələrinin ardı-arası kəsilmir.

 

Bu dəfə 15 yaşlı qızın Təbrizdə intihara cəhd göstərdiyi  bildirilir.

 

Mətbuatda yayılan məlumata görə, yeniyetmənin itihar etmək istədiyi ilə bağlı Təcili Tibbi Yardım Mərkəzinə məlumat verilib. Bundan sonra lazımi orqanlarla əlaqə saxlanılıb və Təcili Tibbi Yardım Mərkəzinin işçiləri Təbriz Polis İdarəsinin əməkdaşları ilə birlikdə hadisə yerinə gedərək yeniyetməni ölümün yaxasından qurtarıblar.

 

Məmurlar qızın intihardan vaz keçməsi üçün 3 saat vaxt sərf edib, sonda buna nail olublar. Yeniyetmə müalicə üçün Təcili Tibbi Yardım Mərkəzinə aparılıb.

 

Mətbuatda intihara cəhd edən qızın kimliyi və sui-qəsdin təfərrüatı barədə heç bir məlumat yayılmayıb, məsullar sadəcə baş verən hadisənin ailədaxili ixtilaflarla əlaqədar olduğunu bildirməklə kifayətlənib.

 

Bu hadisə, son bir həftə ərzində Güney Azərbaycan şəhərlərində baş verən 5-ci intihar faktıdır.

 

Noyabrın 13-də 22 yaşlı qız Urmiyənin “Şeyx təpə” məhəlləsində özünü bir binanın üstündən ataraq həyatına son qoyub.

 

Noyabrın 14-də Urmiyənin Sero caddəsində bir 45 yaşlı kişi kimyəvi turşu içərək intihar edib.

 

Noyabrın 15-də Qərb Azərbaycan Əyalətinin Şot şəhərində bir kişi həyat yoldaşını odlu silahla qətlə yetirdikdən sonra öz canına qəsd edib.

 

Noyabrın 17-də isə Urmiyənin “Gülşəhr” şəhərciyində bir qadın özünü binanın 4-cü mərtəbəsindən ataraq həyatına son qoyub.

 

Güney Azərbaycanda intihar faktlarının artması təsadüfi deyil. Bir çoxları bölgədə intihar göstəricilərinin yüksək olmasını sosial ədalətsizliklə əlaqədarir. Ölkə əhalisinin yaşadığı ümidsizlik, ailədaxili münaqişələr, narkomaniya (mötadlıq), işsizlik, yoxsulluq və s. kimi problemlər şübhəsiz ki, insanların ictimai və fərdi həyatını dərindən ətkiləyir və özünə qəsd kimi hadisələrə yol açır.

 

N.S

Açar Sözlər :

SEÇİLMİŞ XƏBƏRLƏR

Çox oxunanlar