Contact Us

SON XƏBƏRLƏR

ETTELAAT rəhbəri: “Qonşu ölkələrin təhlükəsizlik xidmətləri ölkəmizin təhlükəsizliyinə qarşı hərəkətə keçiblər”

2021.10.20, 07:36
ETTELAAT rəhbəri: “Qonşu ölkələrin təhlükəsizlik xidmətləri ölkəmizin təhlükəsizliyinə qarşı hərəkətə keçiblər”

Gunaz.tv

GünAzTV: İranın kəşfiyyat (ETTELAAT) naziri Mahmud Ələvi dekabrın 18-də parlamentdə çıxış edərək, qonşu ölkələrin təhlükəsizlik xidmətlərindən və xarici ölkələrdə islam respublikasına qarşı fəaliyyət aparan İran müxalifətindən danışıb.

 

Öz çıxışında xarici ölkələrdə islam respublikasına qarşı mübarizə aparan siyasi qrup və cərəyanları “əksinqilabçı” adlandıran Ələvi bildirib ki, İranın hazırkı təhlükəsizlik durumu və şəraiti əvvəlki illərlə tam fərqlidir: “Hazırda qonşu ölkələrin təhlükəsizlik xidmətləri və hətta bəzi uzaq ölkələrin xəfiyyə qurumları birbaşa İranın təhlükəsizliyinə qarşı hərəkətə keçiblər. Onlar var gücləri ilə terrorçu cərəyan və quruplara maddi baxımdan dəstək verir, onlara təlimlər keçirlər.

 

Bundan əvvəl təlimlər, yalnız ibtidai hərbi və partizan təlimləri həddində idi. Lakin hazırda onlar öz fəaliyyətlərini, eləcə də gediş-gəliş və əlaqələrini təhlükəsizlik qüvvələrinin gözündən gizli saxlamaq məqsədilə informasiya təlimləri də keçirlər. Hazırda biz belə bir şəraitlə üzləşmişik. Belə bir vəziyyətdə sionist rejiminin gizli xidmətləri də tam gücləri ilə meydana giriblər və terrorçu dəstələri təşkilatlandırırlar. Bütün bunlar isə cinayətkar Amerikanın dəstəyi ilə həyata keçirilir. Həmin dəstəyin nəticəsində isə məqsəd, əksinqilabçı qrupların bir-birinə yaxınlaşması və birgə fəaliyyət aparmasından ibarətdir.

 

Son bir-iki ildə, dünyanın müxtəlif yerlərində əksinqilabçı və müxtəlif etnik cərəyanların islam respublikasına qarşı birgə mübarizə aparmaq məqsədilə 64 toplantısı keçirilib. Bu isə onların ölkəmizə qarşı birgə mübarizəsini koordinasiya etmək məqsədilə edilib. Aydın məsələdir ki, şərait belə olan halda, fərqli və həssas təhlükəsizlik vəziyyəti yaranır və biz buna qarşı tədbir görməliyik”.

 

Ələvi, İranın təhlükəsizliyinə qarşı hərəkətə keçən qonşu ölkələrin adlarını açıqlamayıb.

 

A.M

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar