Contact Us

SON XƏBƏRLƏR

Amerika: “İran səfirinin davranışı İraq dövləti və millətinə qarşı hörmətsizlikdir”

2021.10.20, 07:36
Amerika: “İran səfirinin davranışı İraq dövləti və millətinə qarşı hörmətsizlikdir”

Gunaz.tv

GünAz TV: Amerika Dövlət Departamentinin twitter sosial şəbəkəsində ərəb dilində fəaliyyət göstərən rəsmi hesabı İran səfiri İrac Məscidinin İraqda İŞİD terror qruplaşması üzərində qələbə gününə həsr edilmiş mərasimdə ölən əsgərlərin ruhuna hörmət əlaməti olaraq 1 dəqiqəlik sükut elan edilən zaman zalı tərk etməsini bu ölkənin xalqı və dövlətinə qarşı hörmətsizlik adlandırıb.

 

Dövlət Departamentinin məsələyə münasibətində bildirilir: “bu cür rəftarlar diplomatik etiket qaydalarının pozulması ilə yanaşı, ən azından İraq milləti və dövlətinə qarşı hörmətsizlikdir. Amma İran nə vaxt diplomatik etiket qaydalarını rəsmi olaraq tanıyıb ki?”

 

Bundan əvvəl İraqın “Ümmət partiyası”nın rəhbəri Misal əl-Əlusi isə ölkə prezidenti, baş naziri və milli məclisin spikerinə ünvanladığı müraciətdə İran səfirinin bu davranışını ölkəyə və millətə qarşı hörmətsizlik adlandıraraq, onun ölkədən qovulmasını istəmişdi.

 

Qeyd edək ki, bir neçə gün öncə İraqda İŞİD üzərində qələbənin il dönümü ilə bağlı tədbir keçirilib. Tədbirdə qonaqlar döyüşlər zamanı həyatını itirmiş hərbçilərin ruhuna ehtiram əlaməti olaraq 1 dəqiqəlik ayağa qalxdıqları zaman İranın Bağdaddakı səfiri İrac Məscidi mərasim salonunu tərk etmişdi. Bu isə İraq siyasətçiləri arasında böyük etirazlara səbəb olub və əksər rəsmilər səfirin ölkədən qovulmasını tələb edirlər.

 

Ə.A

Açar Sözlər :

SEÇİLMİŞ XƏBƏRLƏR

Çox oxunanlar