Qaradağ meşələrinin məhv edilməsinə etiraz edənlər “Twitter Fırtınası” keçirib

SON XƏBƏRLƏR

Qaradağ meşələrinin məhv edilməsinə etiraz edənlər “Twitter Fırtınası” keçirib

2021.10.20, 07:36

Gunaz.tv

GünAz TV: Güney Azərbaycanın Qaradağ bölgəsində meşə ağaclarının kütləvi şəkildə kəsilməsinə etirazlar səngimir.

Öncədən elan olunduğu kimi, dekabrın 28-i Təbriz vaxtı ilə saat 21:00-da meşələrin məhv edilməsinə etiraz olaraq “Twitter Fırtınası” başlayıb, etirazlar “İnstaqram”da davam etdirilib.

Kampaniyaya qoşulanların sayı olduqca çox olub. Onlar bu Hashtag-lardan istifadə ediblər:

və

Tvitlərin əksəriyyətinin məzmunu bundan ibarət olub ki, İran dövləti Urmu gölünü qurutduqdan sonra indi də Qaradağ meşələrini məhv edir.

Tvitlərin çoxu ingilis və türk dilində yazılıb.

Bu arada Güney Azərbaycanın Sarab şəhərinin İran parlamentindəki millət vəkili Yusif Davudi Güney Azərbaycanın ətraf mühitinə qarşı yönələn fəaliyyətlərə münasibət bildirib. Qaradağ məntəqəsində ağacların kəsilməsinə etiraz bildirən millət vəkili məsələnin parlamentin təbii qaynaqlar, su və kənd təsərrüfatı komissiyasında gündəmə gətiriləcəyini bildirib.

Yusif Davudi

Ötən günlərdə Əhər Qaradağ məntəqəsindən yayılan videolarda bir çox ağacların kəsildiyi məlum olub. Bu hadisə bir çox soydaşımızın kəskin etirazı ilə qarşılanıb.

Ağaclar İranın şimal bölgəsinin (Gilan Əyaləti) ağac şirkətləri tərəfindən kəsilir. Məlumata görə, Şərqi Azərbaycan Kənd Təsərrüfatı İdarəsi həmin şirkətlərə müəyyən məbləğ qarşılığında ağacları kəsərək fabriklərinə daşımağa icazə verib. Etirazlardan sonra həmin idarə ağacların kəsilməsinin qadağan edildiyinə dair hökm çıxarıb, qərar məktub vasitəsi ilə Şərqi Azərbaycan şəhərlərinin Kənd Təsərrüfatı Təşkilatlarına elan olunub.

GUNAZ.TV

SON XƏBƏRLƏR