İran daxilindən həqiqətlər- Tehranda ən azı 270 ambulans çatışmır- Fotolar

SON XƏBƏRLƏR

İran daxilindən həqiqətlər- Tehranda ən azı 270 ambulans çatışmır- Fotolar

2021.10.20, 07:36

Gunaz.tv

GünAz TV: İran daxilində qiymətlərin artımından başqa, bir çox sahələrdə kəskin çatışmazlıqlar mövcuddur. Bu sahələrdə biri də təcili tibbi yardım xidmətidir.

Tehran şəhər Təcili Tibbi Yardım Briqadasının rəhbəri Peyman Saberiyan bildirib ki, ölkə bu sahədə heç bir beynəlxalq standartlara cavab vermir.

Onun sözlərinə görə, Tehrana gündəlik girib- çıxan insanları nəzərə alsaq, şəhərin əhalisinin sayı təqribən 14 milyon nəfərdir. Beynəlxalq standartlara əsasən, hər 20 min nəfərin payına bir təcili tibbi yardım maşını düşməlidir. Bunu görə də Tehran şəhərində azı 500 ambulans maşını olmalıdır, hansı ki, bu rəqəm 230-dur. Mövcud maşınların çoxu isə köhnəlib, onlar ya əsaslı şəkildə təmir, ya da yenisi ilə əvəz edilməlidirlər.

Peyman Saberi Tehranda tibbi yardım helikopterlərinin və motorsikletlərinin sayının da əksik olduğunu deyib. Əhalinin sayına görə, helikopterlərin sayı 14 olmalı olsa da, 2, motorsikletlərin sayı isə 400-500 arası olmalı olsa da, 250-dir.

Evlərin qiymətlərinin artması:

İranda yanvar- fevral ayı ərzində mənzillərin 1 kvadrat metrinin qiyməti orta hesabla 9 milyon 950 min tümən təşkil edib. Bu isə 2018-ci ilin oxşar dövrü ilə müqayisədə 85.1% artım deməkdir.

Qiymətlərin artması ilə alıcılıq qabiliyyəti də aşağı düşüb. Ötən bir il ərzində satılan evlərin nisbətində 49.2% azalma müşahidə olunub.

Ərzaq məhsullarının qiymətlərinin artması:

Rəsmi statistikalarda yalnız 24 adda ərzaq məhsullarının qiymətində artımların müşahidə olunması ilə bağlı məlumatlar əldə etmək mümkündür. Artımlar bütün ərzaq məhsullarını əhatə etsə də, İran Statistika Komitəsinin yaydığı cədvəldə yalnız 24 məhsulun qiymətindəki bahalaşma qeyd edilib.

Statistikaya əsasən, yanvar-fevral aylarında ötən ilin oxşar dövrü ilə nisbətdə tomat 231.6%, sarı alma 121%, pomidor 128.9%, banan 103.1%, qoyun əti isə 97.8% artıb. Bunlar yalnız bəzi məhsullarda olan qiymət artımlarımı əhatə edir.

34 min boş kənd

Son 60 il ərzində su çatışmazlığı və ağır iqtisadi şərait səbəbindən İranın təqribən 104 min kəndindən 34 mininin əhalisi öz yurdlarından köçüb. Bu 34 min kənddə hazırda bir ailə belə yaşamır. Bu kəndlərin sakinləri daha əlverişli həyat şəraitləri üçün digər vilayətlərə köçüblər.

İran daxilində təkcə 2007- 2012-ci illər ərzində 5 milyon nəfər öz yaşayış yerindən birdəfəlik digər yerə köçüb. Bu isə əhalinin 7%-ni təşkil edir.

Bütün bu ağır iqtisadi şəraitlərə və qiymət artımlarına baxmayaraq, İran Milli Məclisi 1398-ci ildə əmək haqlarının qaldırılması ilə bağlı təklifləri rədd edib.

Ə.A

GUNAZ.TV

SON XƏBƏRLƏR