Brayan Huk: “İran İraqı öz əyalətlərindən birinə çevirmək niyyətindədir”

SON XƏBƏRLƏR

Brayan Huk: “İran İraqı öz əyalətlərindən birinə çevirmək niyyətindədir”

2021.10.20, 07:36

Gunaz.tv

GünazTV: ABŞ-ın Dövlət Departamentində yaradılmış İran məsələləri üzrə özəl işçi qrupunun rəhbəri Brayan Huk, martın 11-də “Əl-Hürrə” telekanalına müsahibəsində İran prezidenti Həsən Ruhaninin İraqa səfərinə reaksiya verib.

Huk bildirib ki, Ruhaninin Bağdada səfiri İraqın və onun xalqının milli mənafeyinə xidmət etmir: “İraq xalqı İran prezidentinin bu ölkəyə səfərinin motivlərini anlamalı, ona diqqət etməlidir. Çünki Ruhani hökuməti öz ölkəsinin vətəndaşlarının tələblərinə laqeyd qaldığı bir halda, o İraq xalqının durumunun yaxşılaşdırılmasını necə nəzərə ala bilər.

İranın isə məqsədi və niyyəti tam başqadır. Sonda İran İraqı öz əyalətlərindən birinə çevirmək niyyətindədir. Yalnız bu yolla onlar (İran rejimi) İraqda böyük bir hərbi mərkəz və baza yarada bilərlər. Elə bir hərbi baza ki, “Sepah”, bütün regionda öz raketlərini, hərbi silah-sursatını və döyüşçülərini yerbəyer edə bilsin. Məhz buna görə də, hesab edirik ki, Ruhaninin bu səfəri İraq xalqının mənafeyinə ziddir.

İraq əhalisi özlərini iraqlı sayırlar. Halbuki, İran İraqın milli kimliyini dəyişərək yerinə bir şiə kimliyi qoymaq niyyətindədir. Bu İranın xarici siyasətinin əsas mahiyyətini təşkil edir. Onlar (İran rejimi) bölgədə dini sektaçılığa rəvac verərək nifaq salmağa çalışırlar. Onlar həmin siyasəti İraqda da yürüdürlər. Daha doğrusu, İraq İran üçün Orta Şərqdə sabitliyi pozmaq və bölgədə güclü bir şiə koridoru yaraqmaq üçün bir vəsilədir. Bu isə İraq xalqının mənafeyinə xidmət etmir” – deyə Huk əlaqvə edib.

Qeyd edək ki, Həsən Ruhani İraq prezidenti Bərhəm Saleh və bu ölkənin baş naziri Adil Əbdül Məhdinin rəsmi dəvəti ilə martın 11-də İraqa 3 günlük Bağdada səfər edib. Ruhanini İraqa səfərində İranın yüksək rütbəli siyasi və iqtisadi nümayəndə heyəti müşayiət edib. Səfər əsnasında Ruhaninin iki ölkənin müxtəlif sahələrdə əlaqələrinin inkişafı ilə bağlı İraq prezidenti Bərhəm Saleh, baş nazir Adil Əbdül Məhdi, İraq parlamentinin sədri Məhəmməd əl-Həlbusi və nüfuzlu şiə ruhanisi Əli Sistani ilə görüşü nəzərdə tutulub.

A.M

GUNAZ.TV

SON XƏBƏRLƏR