Xarici voleybolçuların Təbrizdə kürd və erməni dilində qarşılanması azərbaycanlıların kəskin etirazına səbəb olub

SON XƏBƏRLƏR

Xarici voleybolçuların Təbrizdə kürd və erməni dilində qarşılanması azərbaycanlıların kəskin etirazına səbəb olub – VİDEO

2021.10.20, 07:36

Gunaz.tv

GünAz TV: Dünya millətləri voleybol liqası üçün Güney Azərbaycana gələn xarici voleybolçular Təbrizin hava limanında kürd və erməni dillərində qarşılanıb. Bu məsələ güney azərbaycanlıların kəskin etirazına səbəb olub.

Cümə günü voleybol paytaxtı Urmiyədə keçiriləcək yarışlara qatılmaq üçün Kanada, Polşa (Ləhistan) və Rusiya komandaları Təbrizin hava limanına gəlib, onlar sonra Urmiyəyə yollanıb.

Məlumata görə, xarici idmançılar Təbrizin hava limanında kürd və erməni dilində danışan uşaqlar tərəfindən qarşılanıb. Şübhəsiz ki, Azərbaycanın milli və tarixi kimliyini təhrif etmək məqsədi ilə qarşılama mərasiminə türk dilində danışan uşaqlar seçilməyib.

https://www.youtube.com/watch?time_continue=12&v=GY228R9UO2Y

Soydaşlarımız bu işin arxasında Qərbi Azərbaycana sırınmış kürddili vali Məhəmməd Mehdi Şəhriyari və Qərbi Azərbaycan Gənclər və İdman İdarəsinin Səqqiz şəhərindən olan kürddili rəisi Abdulla Çəməngülünün dayandığına inanır. Videoda göründüyü kimi, Abdulla Çəməngülü qarşılama mərasimində kürd və erməni dilində danışan uşaqların yanında dayanıb, o bu vəziyyətdən razılıq əlaməti olaraq gülümsəyir.

Xatırladaq ki, “Təbriz 2018” layihəsinin açılış mərasimi zamanı Təbrizə səfər edən İran prezidenti Həsən Ruhani Tehrana qayıdarkən bir kürd musiqi qrupu tərəfindən yola salındı. İran mətbuatı kürd musiqiçilərinin ifasını “Azərbaycanın yerli musiqisi” kimi təqdim etdi. Bu səhnənin görüntüləri Həsən Ruhaninin rəsmi İnstaqram səhifəsi və prezident aparatının mətbuat orqanında da yayıldı. Şübhəsiz ki, Azərbayacana qarşı yönələn ssenari soydaşlarımızın kəskin etirazı ilə qarşılandı.

Kürd terror qruplaşmaları və radikal kürdlərin mövqeyini Qərbi Azərbaycan Əyalətində gücləndirmək üçün müxtəlif üsullardan istifadə olunur. İran rejiminin bölgənin kürdləşdirmə prosesinə yaşıl işıq yandırması Qərbi Azərbaycan Əyalətinə göz tikən qüvvələri daha da cəsarətləndirib, onlar bölgədə vaxtaşırı terror aktları törətməkdən belə çəkinmir.

N.S

GUNAZ.TV

SON XƏBƏRLƏR