Contact Us

SON XƏBƏRLƏR

Təbriz həndəvərində yerləşən qeyri-rəsmi yaşayış məntəqələri GÖRÜNTÜLƏRDƏ

2021.10.20, 07:36
Təbriz həndəvərində yerləşən qeyri-rəsmi yaşayış məntəqələri GÖRÜNTÜLƏRDƏ

Gunaz.tv

GünAz TV: Son illərdə Güney Azərbaycanın böyük şəhərlərinin həndəvərində qeyri-rəsmi yaşayış məntəqələrində məskunlaşan əhalinin sayı artıb. Bu məsələ sakinlərlə yanaşı şəhərlərin görkəmi və yerli əhali üçün də ciddi sıxıntılar yaradır.

 

Güney Azərbaycanın mərkəzi şəhəri olan Təbriz də bu vəziyyətdən əziyyət çəkən şəhərlər sırasındadır.

 

Ekspertlər önləyici tədbir kimi, kəndlərdə iqtisadi durumu yaxşılaşdırmaq və kənd təsərrüfatını inkişaf etdirməyi təklif edir. Lakin dövlətin laqeyd münasibəti nəticəsində kəndlərdə heyvandarlıq və əkinçilik inkişaf etmir, ona görə də böyük şəhərlərə üz tutan kəndlilərin sayı günü-gündən artır.

 

Şəhər həndəvərində məhkumlaşan əhalinin bir çox sıxıntısı var. Bu məhəllələrdə elə dar küçələr var ki, iki insan eyni vaxtda çox çətinliklə hərəkət edə bilir. Şübhəsiz ki, bu vəziyyətdə yanğın, zəlzələ, torpaq sürüşməsi və s. kimi fəlakətlər baş verərsə, böyük faciəyə şahid ola bilərik.

 

 

İşsizlik, yoxsulluq, ictimai və mədəni problemlər, uşaqlar üçün əyləncə mərkəzlərinin olmaması, səhiyyə və təhsil imkanlarının məhdud olması, içməli su, əhali sıxlığı, müxtəlif cinayət faktları və s. kimi problemlər qeyri-rəsmi yaşayış məntəqələrində hökm sürməkdədir.

 

Yerli əhali və bəzi məsullar vəziyyətin olduqca ağır olduğunu vurğulayaraq problemi aradan qaldırmaq üçün dəfələrlə dövlətdən yardım istəyiblər, lakin şəhər və onun həndəvərindəki yaşayış məntəqələrinin vəziyyətində heç bir dəyişiklik müşahidə olunmur.

 

“Fars” xəbər agentliyindən götürülən şəkillər sözügedən yaşayış məntəqələrinin durumunu qisməndə olsa əks etdirir:

 

 

 

 

 

 

 

 

 

N.S

Açar Sözlər :

SEÇİLMİŞ XƏBƏRLƏR

Çox oxunanlar