Contact Us

SON XƏBƏRLƏR

Səudiyyə Ərəbistanı dünya birliyini İranın nüvə sazişini pozmasının qarşısını almağa çağırıb

2021.10.20, 07:36
Səudiyyə Ərəbistanı dünya birliyini İranın nüvə sazişini pozmasının qarşısını almağa çağırıb

Gunaz.tv

GünazTV: Səudiyyə Ərəbistanının Vyanada fəaliyyət göstərən beynəlxalq təşkilatlardakı daimi nümayəndəsi Abdulla Bin Xalid Bin Sultan İranla daha mükəmməl beynəlxalq yeni bir nüvə sazişinin üzərində iş aparılmasının əhəmiyyəti barədə bəyanatlar səsləndirib.

 

Sentyabrın 12-də Beynəlxalq Atom Enerjisi Agentliyinin idarə heyətinin şurasında çıxış edən Abdulla Bin Xalid Bin Sultan deyib ki, dünya birliyi İranın təxribat xarakterli regional ekspansionist addımlarının qarşısında dayanmalı, rəsmi Tehranın nüvə raılaşmasını pozmasının qarşısını almalıdır: “Hesab edirik ki, İranla yeni bir nüvə sazişi bağlanmalıdır. Elə bir saziş ki, daimi olaraq İranın nüvə proqramına və onun hərbi mərkəz və təsisatlarına nəzarət edə bilsin və əgər İran üzərinə götürdüyü öhdəlikləri pozsa, dərhal və ən qısa bir vaxtda ona qarşı beynəlxalq sanksiyalar tətbiq edilsin.

 

Təəssüflər olsun ki, nüvə sazişinin imzalanmasından sonra İran rejimi regionda apardığı təxribat xarakterli əməllərini və öz qonşularının sabitliyini pozmağı davam etdirib, bölgənin təhlükəsizliyinə xələl gətirib. Məhz buna görə də düşünürəm ki, dünya birliyi İranın bu kimi addımlarının qarşısını almalı, onu dayanmalıdır” –deyə Abdulla Bin Xalid Bin Sultan vurğulayıb.

 

A.M

Açar Sözlər :

SEÇİLMİŞ XƏBƏRLƏR

Çox oxunanlar