Etirazlarda öldürülən Puya Bəxtiyarinin bir neçə qohumu da həbs edilib

SON XƏBƏRLƏR

Etirazlarda öldürülən Puya Bəxtiyarinin bir neçə qohumu da həbs edilib

2021.10.20, 07:36

Gunaz.tv

GünAz TV: Benzinin qiymətinin artırılmasına qarşı keçirilmiş xalq etirazları zamanı anasının gözü qarşısında başından güllələnərək öldürülən Puya Bəxtiyarinin valideynlərindən başqa, yaxın qohumları da həbs edilib.

Ötən axşam mərhumun qohumlarının evlərinə hücum edən təhlükəsizlik qüvvələrinin əməkdaşları onları tutub, naməlum istiqamətdə aparıblar.

Bu gün səhər saatlarında ETTELAAT işçilərinin yalnız Puyanın ata və anasını həbs etmələrilə bağlı məlumat yayılmışdı. Lakin bir neçə saat sonra Puyanın dayısı oğlu Bəhmən Sadiqinur ETTELAT-ın mərhumun valideynlərinə məxsus evə vəhşicəsinə hücumu zamanı onun 11 yaşlı əmisi oğlu, qoca nənə və babası da daxil olmaqla, bir neçə yaxın qohumunun da tutularaq naməlum istiqamətdə aparıldığını deyib.

Benzinin qiymətinin artırılmasına qarşı keçirilən xalq etirazları zamanı təhlükəsizlik qüvvələri tərəfindən başından güllələnərək qətlə yetirilən 27 yaşlı Puyanın ailəsi dekabrın 26-da, övladlarının 40-da Kərəcin Səkinə qəbirsanlığında mərasim keçirməyə hazırlaşırdı.

Lakin bir neçə gün əvvəl ETTELAAT Nazirliyi onları çağıraraq, 40 mərasimini qapalı və kiçik məkanda keçirməyi tələb etmişdi. Puyanın atası Mənüçöhr Bəxtiyari bu tələblə razılaşmamışdı.

Xatırladaq ki, Mənüçöhr Bəxtiyari İran- İraq müharibəsi iştirakçısıdır. O, ötən ay xarici media orqanlarına verdiyi müsahibədə "5 il cəbhədə döyüşdüyünü, dövlətin isə mükafat olaraq bunun əvəzində oğlunun beynini yerə tökdüyünü" demişdi.

Ə.A

GUNAZ.TV

SON XƏBƏRLƏR