Xamneyinin müşaviri: “Amerikanın bir hərbi bazasını hədəfə alacağıq”

SON XƏBƏRLƏR

Xamneyinin müşaviri: “Amerikanın bir hərbi bazasını hədəfə alacağıq”

2021.10.20, 07:36

Gunaz.tv

GünazTV: İranın “dini lideri”nin hərbi məsələlər üzrə müşaviri Hüseyn Dehqan yanvarın 5-də CNN telekanalına açıqlamasında Amerikaya qarşı təhdid dolu bəyanatlar səsləndirib.

Öz açıqlamasında “Sepah”ın “Qüds” briqadasının keçmiş komandanı Qasım Süleymaninin Bağdadda amerikalılar tərəfindən öldürülməsinə toxunan Hüseyn Dehqan deyib ki, İran öz generalının öldürülməsinə cavab olaraq, Amerikanın ən azı bir hərbi bazasına hücum edəcək: “Sözsüz ki, biz Amerikanın bir hərbi bazasını hədəfə alacağıq. Bununla da bizim Amerika ilə savaşın bu mərhələsi başa çatacaq. Lakin hesab edirik ki, Amerika bu zərbəni alandan sonra yeni qarşıdurmalar mərhələsini başlatmaq niyyətində olmamalıdır” –deyə, İranın “dini lideri”nin hərbi məsələlər üzrə müşaviri Hüseyn Dehqan əlavə edib.

Dehqan həmçinin Trampın ABŞ vətəndaşlarının İranın təhdid və hücuma məruz qalacağı təqdirdə İranın 52 həssas mərkəzinə hava zərbələri endirəcəkləri ilə bağlı son bəyanatına reaksiya verərək deyib ki, ölkəyə qarşı belə bir hücum baş versə, Amerikanın regionda olan heç bir hərbi bazası, həmin bazalarda çalışan əsgərləri və onun bölgədə fəaliyyət göstərən siyasi qurumlarının heç bir işçisi özünü təhlükəsiz hiss etməyəcək.

“Sepah” terror təşkilatının “Qüds” briqadasının keçmiş komandanı Qasım Süleymani

Xatırladaq ki, yanvarın 3-ü gecə saat 01:20 radələrində Bağdadın hava limanı yaxınlığında “Sepah”ın “Qüds” briqadasının komandanı Qasım Süleymani, eləcə də daha 4 “Sepah”çı, Hüseyn Cəfəri Niya, Şəhrud Müzəffəri Niya, Hadi Tarəmi və Vəhid Zamaniyan, həmçinin “Həşdəş-Şəbi” rəhbərinin müavini Əbu Mehdi əl-Mühəndis, həmin qruplaşmanın ictimaiyyətlə əlaqələr bölməsinin rəhbəri Məhəmmədrza əl-Cabiri və daha bir neçə terrorçu, ABŞ hava qüvvələrinin raket hücumunda məhv edilib.

A.M

GUNAZ.TV

SON XƏBƏRLƏR