GünAzTv: Amerikalı admiralın «hərbi əməliyyatdan» danışmasının təsadüfi olmadığı ehtimal az deyil.

 

ABŞ (Amerika Birləşmiş Ştatları) rəsmiləri yenə İrana qarşı hərbi əməliyyatlardan danışıblar. Amerika Hərbi qərargahları birləşmiş komitəsinin  başçısı admiral Mayk Mallen CNN-ə müsahibəsində bildirib ki, Birləşmiş Ştatlar artıq kifayət qədər uzun müddətdir İranla bağlı problemin hərbi yolla həlli məsələsini nəzərdən keçirir.

 

Onun sözlərinə görə, bununla belə ABŞ (Amerika Birləşmiş Ştatları) administrasiyası probelmin diplomatik yolla həllinə üstünlük verir. Admiral bildirib ki, danışıqlar aparmaq, probelmi diplomatik yolla çözməyə səy göstərmək lazımdır, bununla yanaşı, gerçəklikdən, «İranın niyyətinin dəyərləndirilməsindən də aralanmaq olmaz».

 

Mayk Mallen daha sonra bildirib : «Atom-nüvə proqramının dinc məqsdəli olmasına inanmıram. Xüsusi xidmət orqanların əldə etdiyi məlumatlara əsasən, İran nüvə silahı yaratmaq niyyətindədir».

 

Yeri gəlmişkən,  bu yaxınlarda admiral  bildirmişdi ki, Tehranın atom silahına yiyələnməsi bütövlükdə Yaxın Şərq üçün fəlakət olacaq.

 

Admiralın çıxışından sonra «əl-Ərəbiyyə» teleşirkəti «Condulla»nın girovdan götürdüyü müsahibənin videoyazısını yayımlayıb.

 

Bir müddət öncə bəlucların «Condulla» adlı silahlı qrupu İsfahandan iranlı atom-fiziki Əmirhüseyn Şiranini qaçırmışdılar. Xəbərlərə görə, hazırda Şirani ölkənin Cənub-Şərq hissəsində, Pakistan və Əfqanıstanla həmsərhəddə yerləşən Sistan-Bəlucistan əyalətində saxlanılır.

 

Həmin müsahibədə Ə.Şirani bildirib ki, İranın «dinc» məqsədli atom –nüvə proqramının əsas hədəfi nüvə bomğası əldə etməkdir. İranlı girov atomçu uranın zənginləşdirilməsi üsullarına aid gizli təmilərdə iştirak etdiyini söyləyib. Onun sözlərinə görə,  oğurlanmazdan öncə qohumu, Əhməd Sultaninin rəhbərlik etdiyi  İsfahandakı gizli atom reaktorunda çalışıb.

 

Çeşidli informasiya ilə yanaşı Şirani gizli reaktoorda birgə fəaliyyət göstərdiyi  bir çox atom-fizikinin adını açıqlayıb. O, qeyd edib ki, onlar ABŞ və İsrailə cavab vermək üçün məqsədyönlü şəkildə nüvə silahı üzərində işləyirlər.

 

Xatırladaq ki, milli haqlarının təmini uğrunda mübarizə aparan bəlucların İran hakimiyyətinə qarşı silahlı mübarizəsi davam edir. Ayyarım öncə terrorçu təşkilat sayılan «Condulla» İslam Respublikası Atom Təşkilatı əməkdaşını girov götürdüklərini bildiriblər.

 

«Condulla» rəsmi Tehranı hədələyərək, bəyan etmişdi ki, hakimiyyət həbsdə olan 200 siyasi dustağı azad etməyəcəyi təqdirdə İranın nüvə proqramı barədə bütün gizli mətləbləri girovdan alaraq, dünyaya yayacaqlar.

 

«Əgər İrandakı mövcud rejim gələn həftənin əvvəlinədək siyasi məhbusları azad etməzsə, o zaman biz Əmirhüseyn Şiranidən sizin atom proqramınız haqda gizli mətləbləri əldə edib, layihənizin beyənlxalq ictimaiyyətə bəlli olmayan tərəflərini dünayaya açıqlaycağıq»-deyə, yaraqlılar bildirib.

 

İran hakimiyyəti isə Şiraninin nüvə energetika sahəsində mütəxəssis olmadığını bəyan edərək, onun adi «qara fəhlə» olduğunu, heç bir sirli məlumata malik olmadığını qəti şəkildə bildirmişdi. Tehranın açıqlamasına əsasən, Əmirhüseyn Şirani İran Atom Enerjisi Agentliyinin podraççı –şirkətində yük maşını sürcüsü işləyib.

 

Yeri gəlmişkən, Şirani İranın nüvə proqrammı barəsində məlumat əldə etmək istəyənlərin ilk «ovu» deyil. 2007-ci ilin noyabrında 44 yaşlı aparcı  atomçu, Şiraz universitetinin professoru Ərdəşir Həsənpur  naməlum şəkildə qətlə yetirildi.

 

2009-cu ildə İran BMT-yə rəsmi şikayətə edərək, atom-nüvə prqoramı sahəsində çalışan 4 iranlının ABŞ tərəfindən oğurlandığını bildirmişdi. Onların arasında Tehrandakı Malik Əştər adına universitetdən, atomçu-alim Şəhram Əmiri həcc ziyarəti zamanı «yoxa» çıxmışdı. O, sonradan məlum olan Qumdakı nüvə obyektində uranın zənginləşdirilməsi zavodunun layihəsi üzərində çalışırmış.

 

Bir müdət sonra Əmiri ABŞ-ın Pakistandakı səfirliyindən üzə çıxıb, Mərkəzi Kəşfiyyat İdarəsini onu «oğurlanmasında» suçladı.  Bir müdət sonra onun ABŞ-a təhvil verildiyi bildirildi. 

 

Bəzi KİV-in məlumatına əsasən Əmiri Qərbə 2009-cu ilin sentyarbrında məlum olan atom obeyektində uranın zənginləşdirilməsi sahəsində çalışırmış.

 

Bu ilin yanvarında  Tehran universitetinin professoru, atom-fiziki Məsud Əli Məhəmmədi yaşadığı evin yanında partlayış nəticəsində həlak olub. Hadisə zamanı daha 10 nəfərin yüngül  xəsarət aldığı haqda da məlumat yayılmışdı.

 

İran KİV-in xəbərlərinə əsasən, M.Məhəmmədi 1979-cu il inqilabının fəallarından olub. Hakimiyyət onun ölmündən «İslam Respublikasının düşmənlərini»  suçlamışdı . Daxilii İşlər Nazirliyinin məsələyə dair yaydığı bəyanatda bldirilirdi : «Qətlin arxasında İsrailin dayandığını istisna etmək olmaz».

 

Ölkə TV-si isə «İslam İnqilabına sədaqətli universitet professorunun qətlinin arxasında əks iinqilabi qüvvələrin casuslarının duruduğu» barədə xəbərə yaymışdı.

 

Məsud Əli Məhəmmədinin «xarici düşmənlərin casuslarının» terror aksiyası nəticəsində öldürülüdüyü  iddia edilsə də əksi də istisna olunmur. Bu baxımdan ehtimal etmək olar ki, bu atom-fiziki də ölkədən çıxmağı planlaşdırıbmış və ona görə də aradan partlayış yolu il götürülüb.

 

«Əl-Cəzirə» tetekanalının Tehrandan yaydığı xəbərə görə, professor İranın nüvə proqramına bağlı kadrlardan olub. Telekanala müsahibə verən iranlı məmur demişdi : «İranın atom proqrammına bağlı olan istənilən şəxs xarici kəşfiyyatın hədəfi ola bilər».

 

Tehran hakimiyyəti İsrail və ABŞ-ı dəfələrlə bu sayaq məsələlərdə ittiham edib. Hələ ötən illin fevralında Britaniya və İtaliya qəzetləri yazmışdı ki, İsrail İranın atom –fiziklərinə qarşı «gizli savaş» aparır.

 

ABŞ-da həbsdə saxlanılıdığı iddia olunan Bektaş Fəttahi, Əmir Şirzad –Əmirquluxani, Əliəmir Nəzmi, Həsən Səid Kaşari, Əlirza Əsgəri, Kanadada tutulan Mahmud Yadigari,  Gürcüstanda həbs olunan Əmirhüseyn Ərdəbili, Almaniyada saxlanılan Möhsün Əfrasiyabi, İranın İordaniyadakı keçmiş səfiri Nüsrətulla Tacik isə Britaniyada tutulub. Tehran iddia edir ki, onlar əsassız olaraq, tutulub.

 

M.Məhəmmədinin öldürülüməsi başşqa ehtimalların ortaya çıxmasına səbəb olub. Hələ üç il öncə  İranın Müdafiə Nazirliyində aparıcı fiqurlarndan olmuş Əlirza Əsgərinin Türkiyədən «yox»a çıxması haqda xəbərlər yayıldı. Hakimiyyət  onun «düşmənlər»i tərəfindən oğurlandığını bildirdi.

 

Bütün hallarda bu sayaq olayların baş verməsinə səbəb Tehran hakimiyyətinin atom-nüvə proqramı sahəsində şəffaflığı təmin etməməsidir. Vəziyyət belə davam edərsə, daha məşhur atomçulardan  birinin oğurlanması istisna olunmur. Sədrəddin Soltan