Güneyli idmançılar İsfahan klublarına transfer edir: Çempion mövcud durumdan narazılıq etdi

SON XƏBƏRLƏR

Güneyli idmançılar İsfahan klublarına transfer edir: Çempion mövcud durumdan narazılıq etdi

2021.11.04, 13:38

Gunaz.tv

Onun fikrincə, bir çox türk əsilli idmançı bu səbəbdən İranın digər şəhərlərinin, o cümlədən İsfahan əyalətinin klublarına keçmək məcburiyyətində qalır.

“İlk dəfə olimpiadada 21 yaşımda iştirak etdim. London olimpiadasından sonra Rio de-Janeyro olimpiadasını görmək istərdim. Lakin 2016-cı ildə federasiyanın o vaxtkı prezidentinin yanlış siyasəti bizim olimpiadaya qatılmağımıza mane oldu”-deyə, 400 metr məsafəyə qaçış üzrə çempion bildirib.

O, deyib ki, İranda normal şərait yaradılmadığı üçün dostunun vasitəçiliyi ilə Türkiyə Cümhuriyyətinə köçüb, orada davamlı məşq edib və 2019-cu ildə İrana qayıtdıqdan sonra yarışlara qatılaraq çempion olub.

Səccad Haşimi 2020-ci ildə İsfahan klubuna qatıldıqdan sonra klub ölkə yarışlarında birinci yeri tutub.

“Təəssüflə deyim ki, Şərqi Azərbaycan əyalətinin “Şəhrdari”, “Petroşimi” və başqa bu kimi böyük klubları lazımı dəstəyi almadıqları üçün üçün dağıldı. Bu iki klubun 15 idmançısı hal-hazıqda İsfahanın “Sepahan” klubunda çıxış edirlər”-deyə, Haşimi məsulların azərbaycanlı klublara qarşı laqeyd münasibətindən gileylənib.

Qeyd edək ki, bir neçə gün öncə yüngül atletika üzrə yeddi qat dünya və Asiya çempionu Səccad Pirayqırçın mətbuata verdiyi müsahibədə 10 ildir işsiz olduğunu, məsulların azərbaycanlı idmançılara dəstək vermədiyini bildirmişdi.

Təbriz şəhərinin Sarı zəmi məhəlləsində ata evində yaşayan, 28 yaşlı eştmə əngəlli S.Pirayqırçın hal-hazırda səyyar siqaret satıcılığı ilə məşğuldur.

O, iki ay öncə eşitmə əngəlli atletlər arasında Polşada keçirilən dünya çempionatında birinci yeri tutaraq qızıl medaı qazanıb.
“10 ildir iş vədi ilə məni süründürürlər.

Bələdiyyə idarəsinə dəfələrlə yazdığım məktubar nəticəsiz qalıb. Nə ev, nə maşın və nədə başqa bir umacağım yoxdur.

Ötən həftə Şərqi Azərbaycanda idman sahəsinin problemlərinin müzakirəsinə həsr olunan toplantıda Təbrizin Şəhər Şurasının üzvü Pərviz Hadi deyib ki, son 4 ildə Təbrizdə idman sahəsi tamamilə məhv edilib.

“Son 4 ildə Təbriz bələdiyyəsi nəzdində fəaliyyət göstərən və idmançılarının 95%-nın yerli olduğu 40 idman komandası dağıldı. Belə gedərsə olub-qalan idman komandaları və klublarıda dağılacaq”-deyə, Pərviz Hadi xəbərdarlıq edib.

Şəhər Şurasının başqa üzvü Əlirza Nəvaii Bağban isə cari ildə Təbrizin idman sahəsinə yalnız 200 milyon tümən vəsait ayrıldığını, bunun nəzərdə tutulan 18 milyard tüməndən 90 dəfə az olduğunu söyləyib.

GUNAZ.TV

SON XƏBƏRLƏR