İran prezidenti Zəngana səfər edəcək

SON XƏBƏRLƏR

İran prezidenti Zəngana səfər edəcək

2021.11.15, 12:31

Gunaz.tv

Seyid Solət Murtəzəvi özünün "twitter" hesabında İbrahim Rəisinin Zəngan əyalətinə səfərinin planlaşdırıldığını deyib.

O, bu günlərdə həyata keçirilməsi nəzərdə tutulan səfərdən öncə, əyalətdə mövcud olan problemlərin nazirlərin iştirakı ilə müzakirə olunduğunu söyləyib.

Bu İ.Rəisinin prezidentlik səlahiyyətlərinə başladığından bu günə kimi əyalətlərə etdiyi onuncu səfər olacaq.

خبرهای ناب سید صولت مرتضوی برای کهگیلویه و بویراحمدی ها/اعتبار ۷۰۰ میلیارد تومانی برای ازدواج جوانان | خبرگزاری فارس

Qeyd edək ki, bundan öncə noyabrın 12-də mətbuata müsahibə verən Zəngan və Tarım şəhərlərinin İran parlamentindəki nümayəndəsi Mustafa Tahiri Zəngan əyalətlərində problemlərin çoxluğundan danışıb.

“Zəngan əyalətinin problemləri saymaqla bitməz və bu çatışmazlıqlar barədə qalın kitab yazmaq olar. Ancaq hal-hazırda əsas istəyimiz əhalinin su probleminin həll olunmasıdır"-deyə, millət vəkili bildirib.

İran prezidenti İbrahim Rəisinin əyalətə səfəri ərəfəsində media nümayəndələri ilə görüşən Mustafa Tahiri Zənganda su çatışmazlığının aradan qaldırılması ilə bağlı layihələrin, o cümlədən Maraş və Bulvin su bəndlərinin tamamlanması üçün vəsait ayrılmasının vacibliyini qeyd edib.

O, həmçinin bildirib ki, bərbad durumda olan əyalət yollarının yenilənməsi və təmiri bölgə əhalisi üçün əhəmiyyət daşıyır.

Onun sözlərinə görə, Zəngan-Qəzvin dəmir yolunun iki zolaqlı edilməsi də olduqca vacibdir.

Mustafa Tahiri Zəngan əyalətinin banklardan əldə edə bildiyi kreditin ölkədə əyalətlər üzrə ortalamadan daha aşağı olduğunu və bunun istehsal, məşğulluq sahələri və sərmayə dövriyyəsinə mənfi təsir etdiyini bildirib.

GUNAZ.TV

SON XƏBƏRLƏR