İran ilə Amerika nüvə sahəsində birgə fəaliyyət göstərə bilərmi?!

SON XƏBƏRLƏR

İran ilə Amerika nüvə sahəsində birgə fəaliyyət göstərə bilərmi?!

2021.10.20, 07:36

Gunaz.tv

İran Nüvə Tədqiqat Mərkəzinin rəisi Əli Əkbər Salehi bildirib ki, onun ölkəsi siyasi məsələlərdən uzaq olmaq şərti ilə ABŞ-la (Amerika Birləşmiş Ştatları) nüvə sahəsində birgə fəaliyyət göstərməyə hazırdır.

Salehi avqustun 31-də mətbuat konfransı keçirərək bildirib ki, “əgər Amerikalılar hazır olsa, İran atom elektrik stansiyaları tikmək məqsədi ilə birgə müəssisələr və nüvə yanacağı istehsal məqsədi ilə konsorsiumlar yaratmağa hazırdır”. Salehi əlavə edib ki, ABŞ-la bu sahədə müştərək işlər görməyə hazır olmalarının, siyasi müzakirələrə aidiyyəti yoxdur. O xüsusi vurğulayıb ki, “siyasi məsələləri siysətçilərə buraxmaq lazımdır.”

Salehi İranla Qərb dövlətləri arasında müzakirələrin başlamasına da toxunaraq bildirib: “5+1 qrupu ilə müzakirələrə biz öz hazırlığımızı bildirmişik. Onlar da müzakirələrə başlamağı təklif ediblər. Amma müzakirələr şərtsiz və Tehran sazişi əsasında aparılmalıdır. Belə olan halda biz elə müzakirələrə dərhal qoşulmağa hazırıq”.

Əli Əkbər Salehi Buşehr atom elektrik stansiyasının nüvə yanacağının təminatı ilə bağlı bildirib ki, bununla bağlı Rusiya ilə birgə konsorsium yaradılıb və bu mərkəzin 10 illik yanacaq təminatı barədə razılıq əldə olunub. O bildirib ki, bu yanacağın bir hissəsi Rusiyada istehsal, digər bir hissəsi isə Rusiyanın lisenziyası əsasında İranda istehsal olunacaq.

Salehinin ABŞ-la birgə müəssisə qurulması təklifi İran hakimiyyətinin yeni siyasi oyunu sayıla bilər. Hələlik ABŞ rəsmiləri bu təklifə cavab verməyiblər. Aydındır ki, ABŞ da İranın hazırkı proqramlarında bir dəyişiklik olmadan bu ölkə ilə əməkdaşlığın inkişafı lehində addım atmağa o qədər də həvəsli olmayacaq. Eyni zamanda İranın bu təklifinin səmimiliyi şübhə altındadır. Çünkü, İran siyasiləri Salehinin dediklərindən fərqli olaraq ABŞ-la hər hansı rəsmi bir münasibəti sırf siyasi çərçivədə dəyərləndirərək ona qarşı çıxacaqlar. Çox ciddi variant kimi görünməsə də, əslində bu təklif ABŞ rəsmiləri üçün də maraqlı ola bilər. Çünkü belə bir təklif xüsusilə Obama hakimiyyəti üçün iki ölkə arasında olan buzları əritmək üçün əlverişli məqam-vasitə hesab oluna bilər. Araztm

GUNAZ.TV

SON XƏBƏRLƏR