Kişi milli fəallar fiziki qadınlar isə psixoloji və mənəvi işgəncə olunur

SON XƏBƏRLƏR

Kişi milli fəallar fiziki qadınlar isə psixoloji və mənəvi işgəncə olunur

2021.10.20, 07:36

Gunaz.tv

GünAzTv: Hazırda həbsdə saxlanılan milli-mədəni fəal Ayət Mehrəlibəyli (Yürüş) və onun həyat yoldaşı Zəhra Fərəczadə barədə, Ayət bəyin qardaşı Ruhullah Mehrəlibəyli Azadlıq radiosuna belə deyib:

«112 gündür qardaşımı tutublar, sonra xanımını tutdular apardılar, 3 yaşında uşaqları atasız-anasız qaldı, sonra da baldızını tutdular. Qardaşıma içəridə işgəncələr verirlər. Təzəlikcə dostlarının bir neçəsini türməyə salıblar, onlar da deyirlər ki, işgəncələrə məruz qalıblar, vəziyyətləri çox ağırdır. Deyirlər bədənlərinə elektrik verirlər, ayaqlarından asırlar, dar qutulara salırlar, ac-susuz saxlayırlar…». KİŞİLƏRƏ FİZİKİ, QADINLARA MƏNƏVİ İŞGƏNCƏLƏRTəbrizdə yaşayan Ruhullah Mehrəlibəyli deyir ki, milli fəal olan qardaşı 35 yaşlı Ayət Mehrəlibəyli, qardaşının həyat yoldaşı Zəhra Fərəczadə və qardaşının baldızı Kubra Fərəczadə neçə aydır ki, həbsdədir. R.Mehrəlibəyli deyir ki, tutulanlara qarşı rəsmi ittiham irəli sürülməsə də, istintaq aparanlar qeyri-rəsmi bildirirlər ki, onlar dövlətə qarşı çıxmaqda təqsirləndirilirlər. Onun sözlərinə görə, qardaşı Ayət Mehrəlibəyli fiziki, qadın qohumları isə psixoloji və mənəvi işgəncələr altındadır. R.Mehrəlibəylinin sözlərinə görə, bu, qohumlarının ilk həbsi deyil:

«Əvvəllər tutulanda ittihamları türkçülük məsələsi üzərində olmuşdu, indi də elə onun üstündə durmaq istəyirlər». Ruhullah Mehrəlibəyli qardaşına və digər qadın qohumlarına qarşı işgəncələrə son qoyulmasını istəyir.

GUNAZ.TV

SON XƏBƏRLƏR