Yeni Bəyanat: “Azərbaycanlıları azad edin”

SON XƏBƏRLƏR

Yeni Bəyanat: “Azərbaycanlıları azad edin”

2021.10.20, 07:36

Gunaz.tv

GünAzTv: Bəyanatda azərbaycanlıların mədəni, dil, ictimai, iqtisadi və siyasi istəklərinin təmami ilə haqlı olduğu vurqulanaraq, məhbusların qeyd-şərtsiz azadlığı tələb olunur.

Bir qrup ziyalı, ictimai hərəkətlərin fəalları, universitet müəllim və tələbələri, azərbaycanlı siyasi məhbusların ailələri ilə birlikdə Bəyanat yayıblar.

Onlar Bəyanatda azərbaycanlıların mədəni, dil, ictimai, iqtisadi və siyasi istəklərinin təmami ilə haqlı olduğunu vurqulayaraq, məhbusların qeyd-şərtsiz azadlığını tələb ediblər.

Bəyanatın bir hissəsində hazırda qanunsuzcasına ETTELAAT (İran Kəşfiyyat Nazirliyi) təcridxanaları və zindanlarda saxlanılan azərbaycanlı siyasi məhbusların adları çəkilərək, onların qanunsuz təzyiqlərə məruz qaldığı vurqulanır.

Məhbusların məhkəmə hökmü olmadan yaxalanması, təknəfərlik kameralarda saxlanılması, vəkil tutmaq hüququndan məhrum edilməsi, mülaqat icazəsinin verilməməsi, onlara qarşı işgəncələr və bu kimi təzyiqlər şiddətlə qınanır.

Həmçinin İran rejiminin qeyri-fars millətlərinə qarşı apardığı ayri-seçkilik siyasəti şiddətlə məhkum edilib və bu kimi siyasətlərin dərhal durdurulması tələb olunub.

“Savalan Səsi” saytı hazırda Bəyanatı imzalayan 808 nəfərin adını açıqlayıb. Məlumata görə, yaxın gələcəkdə siyahidə olan digər şəxslərində adı da açıqlanacaq.

Xatırladaq ki, azərbaycanlı məhbusların azad edilməsi üçün bu birinci Bəyanat deyil. Bu günə qədər bu zəmində ictimaiyyətin müxtəlif təbəqələri və təşkilatları tərəfindən analoji Bəyanatlar, Bildirişlər, plakatlar və şüarlar yayılıb. Bu zəmində bir çox ölkələrdə etiraz aksiyaları keçirilib və “Traxtur” futbol komandasının yarışlarında komanda tərəfdarları tərəfindən dəvamlı olaraq azərbaycanlı siyasi məhbusların azadlığı tələb olunub.

GUNAZ.TV

SON XƏBƏRLƏR