SEPAHın (İnqilab Qvardiyası) seçkilərə müdaxiləsi öz təsdiqini tapır

SON XƏBƏRLƏR

SEPAHın (İnqilab Qvardiyası) seçkilərə müdaxiləsi öz təsdiqini tapır

2021.10.20, 07:36

Gunaz.tv

GünAzTv: Mehdi Kərrubi bildirib ki, ötən prezident seçkilərində saxtakarlıq iddia olunduğu kimi 1-2 milyon səs civarında olmayıb: “O həddə olub ki, seçkilərin nəticələrini müəyyənləşdirib.”

İranın “islahatçı müxalifətinin” bir qrup ziyalı nümayəndəsi, o cümlədən, Mustafa Taczadə, Feyzulla Ərəbsorxi, Möhsin Mirdamadi, Möhsün Əminzadə, Əbdulla Ramazanzadə və Möhsün Səfayi Fərahani İran məhkəməsinin başçısı Sadiq Laricaniyə şikayət ərizəsi ilə müraciət edərək İnqilab Keşikçiləri Qvardiyasını sonuncu prezident seçkilərində müdaxilə etməkdə ittiham edib və bu barədə sənədlər təqdim ediblər. Qeyd edək ki, bu siyasi fəallardan. Mustafa Taczadə, Möhsün Əminzadə və Möhsün Səfayi Fərahani sonuncu prezident seçkilərindən sonra həbs olunub, lakin şərti azadlığa buraxılmışdılar. Şikayət ərizəsindən sonra isə onlar yenidən həbs olunublar.

İran müxalifətinin liderlərindən olan Mehdi Kərrubi bu siyasi fəalların şikayətini dəstəkləyərək İnqilab Qvardiyasının seçkilərə müdaxilə etdiyini bəyan edib və bildirib ki, İran İnqilabınin rəhbəri Ayətullah Xomeyninin ölümündən sonra bütün seçkiləri təhlil edib və bu barədə yeni bir material hazırlayır. Kərrubi onu da bildirib ki, ötən prezident seçkilərində saxtakarlıq iddia olunduğu kimi 1-2 milyon səs civarında olmayıb: “O həddə olub ki, seçkilərin nəticələrini müəyyənləşdirib.” O bildirib ki, seçkinin nəticələri əvvəlcədən yazılıb hazərlanmışdı və hətta hər bir dairədə nə qədər səs olacağını əvvəldən müəyyən etmişdilər.

Prezident seçkilərin rəsmi nəticələrinə görə İranın indiki prezidenti Mahmud Əhmədinejad 25 milyon, kifayət qdər tanınmış namizəd olan Mehdi Kərrubi isə cəmi 300 min səs toplamışdı. Bu nəticələrin elan olunması İranda geniş etiraz aksiyalarına səbəb olmuşdu. Etiraz aksiyaları polis və İnqilab Qvardiyasının çox sərt tədbirləri ilə yatırdıla bilmişdi. Toqquşmalar nəticəsində onlarla müxalifət tərəfdarları həlak olub. Yüzlərlə insan yaralanıb. Etirazçı minlərlə islahatçı qüvvə həbs olunaraq işkəncələrə məruz qalıb. Araztm

GUNAZ.TV

SON XƏBƏRLƏR