Contact Us

SON XƏBƏRLƏR

Məşhədə "Ziyarət+Siğə" turları ucuzlaşdırılıb: Hər gün 1000 iraqlı zəvvar şəhərə səfər edir

2021.12.01, 11:59
Məşhədə "Ziyarət+Siğə" turları ucuzlaşdırılıb: Hər gün 1000 iraqlı zəvvar şəhərə səfər edir

Gunaz.tv

Bu barədə İranda Sistemin Məsləhətini Müəyyənləşdirən Qurumun Turizm Komitəsinin üzvü Muctaba Əhmədi noyabrın 28-də mediaya açıqlamasında məlumat yayıb.

O deyib ki, hazırda hər gün 9-11 sərnişin təyyarəsi İraqdan Məşhədə uçaraq, əksəriyyəti kişilərdən olan iraqlı zəvvarları bu şəhərə daşıyır.

“Ötən ayda 30 min iraqlı zəvvar Məşhədə səfər edib. Bu isə o deməkdir ki, hazırda hər gün təxminən 1000 iraqlı zəvvar Məşhədə gəlir. Bundan sonra həftədə 6 uçuş da Küveytdən Məşhədə gerçəkləşdiriləcək və hər gün 1000 küveytli zəvvar da bu şəhərə səfər edəcək. 

Qonşu ölkələrdən şiələrin Məşhədə səfərinin səbəblərindən biri “Məşhəd Turu”nun ucuz olmasıdır. Belə ki, yumşaldılmış şərtlərdən sonra alınan qərara görə, bundan sonra hər bir iraqlı zəvvar yalnız 20 dollarla üç günlük Məşhəd turunu əldə edə, üç sutka bu şəhərin hotellərində qala biləcək.

Başqa sözlə desək, iraqlı zəvvarlar bundan sonra 20 dollar qarşılığında Məşhədin bir ulduzlu, 75 dollar ödəməklə bu şəhərin beş ulduzlu hotellərində üç gün qala biləcəklər. Bu məbləğə həmçinin hava limanına gediş-gəliş, sığorta xərci və gündə üç dəfə yemək də daxildir”, -deyə Sistemin Məsləhətini Müəyyənləşdirən Qurumun turizm komitəsinin üzvü Muctaba Əhmədi bildirib.

Muctaba Əhmədi qeyd edib ki, ötən həftə İraqın turizm sektorundan olan bir nüməyəndə heyəti bununla bağlı Tehrana səfər edib və onlarla keçirilən görüşdə iraqlı zəvvarların Məşhədə səfər şərtlərinin daha asanlaşdırılması və onlara ucuz turların təşkil edilməsi ilə bağlı razılığa gəlinib.

Xatırladaq ki, bundan əvvəl Rəzəvi Xorasan əyalətinin Hotelçilər İttifaqının rəisi Məhəmməd Qaneyi mediaya açıqlamasında iraqlıların ziyarətdən daha çox iranlı qadınlarla “müvəqqəti evlilik”, yəni siğə etmək məqsədilə Məşhədə səfər etdiyini təsdiqləmişdi. 

Qeyd edək ki, son illər İrandakı axundların Məşhəd və Qum şəhərlərində müddəti bir neçə saatlıqdan bir neçə günə qədər davam edən üzdəniraq “müvəqqəti evlilik” və ya siğə adı altında dini "Seks Turizm"ə rəvac verməsi sosial şəbəkələrdə geniş işıqlandırılaraq, ölkə əhalisinin kəskin etirazına səbəb olub.

از شایعه حضور مردان عراقی در مشهد تا تکذیبیه رییس اتحادیه هتلداران استان خراسان رضوی

         Rəzəvi Xorasan əyalətinin Hotelçilər İttifaqının rəisi Məhəmməd Qaneyi

A.M

Açar Sözlər :

SEÇİLMİŞ XƏBƏRLƏR

Çox oxunanlar