İranda əkinə yararlı torpaqlar sürətlə şoranlaşır: Rəsmi qurumun başçısından xəbərdarlıq

SON XƏBƏRLƏR

İranda əkinə yararlı torpaqlar sürətlə şoranlaşır: Rəsmi qurumun başçısından xəbərdarlıq

2022.02.03, 09:21

Gunaz.tv

Onun sözlərinə görə, hal-hazırda yalnız 36% ərazinin əkin üçün yararlıdır.

“İranda 64,8 milyon hektar torpaq sahəsinin təxminən 51 milyon hektarının əkilə biləcəyi barədə rəsmi statistikaya baxmayaraq, praktikada əkin sahələrinin yalnız 36 faizi, yəni 18,5 milyon hektarında əkinçilik mümkündür”-deyə, Sərəfraz bildirib.

O, əkinə yararlı torpaq sahələrinin şoranlaşma səbəbindən sürətlə azaldığını qeyd edib, əkinçilərin xüsusilə mərkəzi, cənub və şərq bölgələrində məcburiyyət qarşısında uvarmada şor sudan istifadə etdiklərini, bunun isə torpaq qatında çox miqdarda duzun toplanmasına səbəb olduğunu deyib.

Loristan Universitetinin Torpaq Mühəndisliyi Departamentinin müdiri Məhbubə Cəlali dekabrın ortalarında İranda şoran torpaqların həcminin 34 milyon hektar və ya ölkənin ümumi ərazisinin 20 faizini təşkil etdiyini bildirmişdi.

Xanım Cəlali torpağın şoranlaşmasını “proqressiv” hadisə adlandırıb, İranın Hindistan və Pakistandan sonra şoranlıq riski olan ölkələr sırasında birinci yeri tutduğunu qeyd edib.

Milli Şoranlıq Araşdırma Mərkəzinin üzvü Yusif Haşiminəjad da dekabrın 7-də Səudiyyə Ərəbistanı və İranda suvarılan torpaqların 50 faizinin şoran olduğunu, şoranlığın iqtisadiyyata və kənd təsərrüfatına ildə 1 milyard dollar məbləğində ziyan vurduunu söyləyib.

Mütəxəssislərin fikrincə, torpağın şoranlaşması kənd təsərrüfatı potensialını itirməklə yanaşı, toz fırtınalarına səbəb olur və torpağın şoranlaşması ehtimalını ikiqat artırır.

Mütəxəssislər su hövzələrinin düzgün idarə edilməsini torpağın şoranlaşması problemi ilə mübarizə strategiyalarından biri hesab edərək, son illərdə büdcə layihələrində sektorun payının az olmasını bildiriblər.

Onlar problemin qarşısının alınması ilə bağlı müəyyən edilmiş büdcələrin ayrılmamasını tənqid edərək, əlaqədar məsullara xüsusilə aqrar sektorda sudan düzgün istifadə edilməməsinin fəsadları barədə xəbərdarlıq ediblər.

C.E

GUNAZ.TV

SON XƏBƏRLƏR