Sosial şəbəkələrdə müzakirə: İnsanlar İran istehsalı olan avtomobilləri "yeriyən tabut" adlandırıb- VİDEO

SON XƏBƏRLƏR

Sosial şəbəkələrdə müzakirə: İnsanlar İran istehsalı olan avtomobilləri "yeriyən tabut" adlandırıb- VİDEO

2022.02.26, 05:44

Gunaz.tv

Sosial media istifadəçiləri yerli avtomobilləri “hərəkət edən tabut” adlandırıblar.

Onlar hər il minlərlə insanın bu avtomobillərdə öldüyünü qeyd edərək vətəndaşları yerli avtomobilləri almaqdan imtina etməyə çağırıblar.

Bu, iki gün öncə Şiraz şəhərində əl arabası ilə İran istehsalı “Prayd” markalı minik avtomobilinin toqquşmasından sonra avtomobilin dağılması ilə bağlı görüntülərin yayılmasından sonra yenidən gündəmə gəlib.

Sosial mediada geniş yayılan və vətəndaşların ironiyası ilə qarşılanan görüntüdə meyvə satan səyyar satıcının əl arabası ilə minik avtomobilinin toqquşması nəticəsində. Ikincinin qabaq hissəsinin dağıldığı əks olunub.

Bundan öncə İran parlamentinin bir neçə millət vəkili İran istehsalı avtomobillərin standartlara uyğun olmadığını, keyfiyyətsiz və dayanıqsız materiallardan hazırlandığı barədə çıxış ediblər.
Qeyd edək ki, İran Asiyada yol qəzalarında ölənlərin sayına görə yeddinci yerdədir.

Normal yollara malik olan ölkələrlə müqayisədə İranda yol qəzalarının sayı 10 dəfə daha çoxdur.

İranın Tibbi Ekspertiza Mərkəzinin yayınladığı son məlumata görə, ölkədə yol qəzalarında həyatını itirənlərin illik sayı ortalama 17 min nəfər, yaralananların sayı isə 35 min nəfər civarındadır.

İranın nəqliyyat donanmasının çox köhnə olması, avtomobillərin təhlükəsizlik yastıqları, kilid əleyhinə əyləclər və düzgün təhlükəsizlik kəmərləri ilə təchiz olunmaması qəzaların baş verməsinə böyük rol oynayır.

Bununla yanaşı ən əhəmiyyətli risk faktorlarından biri də daxili istehsal olan keyfiyyətsiz avtomobillərin qəzalar zamanı dayanıqlılığının olmamasıdır.

C.E

GUNAZ.TV

SON XƏBƏRLƏR