Contact Us

SON XƏBƏRLƏR

Kərəc həbsxanasında rəzalət: Prokuror dini müqəddəsləri və sünni məhkumları təhqir etdi

2022.07.02, 03:52
Kərəc həbsxanasında rəzalət: Prokuror dini müqəddəsləri və sünni məhkumları təhqir etdi

Gunaz.tv

3 məhbus islam dininin təhqir edilməsinə etiraz olaraq aclıq aksiyasına başlayıb.

Kərəc şəhərinin "Rəcaişəhr" zindanında saxlanılan məhkumlardan biri ailəsi ilə telefon danışığı zamanı deyib ki, hadisə iyunun 30-da baş verib.

Həbsxanada görüş keçirən Tehran prokuroru Əli Salehi sünni məzhəbini və sünni məhbusları təhqir edib.

"Əli Salehi zindanın 4 və 7-ci bölmələrində saxlanılan sünni məzhəbli məhbuslarla görüşü zamanı sünni məzhəbini, islam dininin müqəddəslərini və sünni məzhəbli məhbusları kobud şəkildə təhqir edib. Bununla  kifayətlənməyən prokuror deyib ki, sünnilərin İranda yaşamağa haqları yoxdur"-deyə, məhbus bildirib.

Tehran prokuroru deyib ki, sünni məhkumların problemlərinin çox olmasından məmnundur. 

O, onların heç bir hüquqlarının olmadığını, zindan rəhbərliyinin onlara qarşı davranışlarını dəstəklədiyini ifadə edib.

Əli Salehinin təhqiredici çıxışından, islam müqəddəslərini və sünni məzhəbinin böyüklərini təhqir etməsindən sonra Yasin Abbas Cubi, Nurəziz Darabi və Sadiq Əyyubi adlı sünni məhbuslar aclıq aksiyasına başlayıblar.

Qeyd edək ki, Tehran prokuroru Əli Salehinin sünni məzhəbini və bu məzhəbə mənsub olan islam müqəddəslərini təhqir etməsi  məhkəmə, prokurorluq işçilərindən ibarət 115 nəfərlik heyətin, çox sayda məhbusun gözü qarşısında baş verib.

Hal-hazırda Kərəcin "Rəcaişəhr" zindanında 49 sünni məzhəbli məhbus saxlanılır.

Aclıq aksiyasına başqa məhkumların da qoşulacağı bildirilir.

Cavidan

Açar Sözlər :

SEÇİLMİŞ XƏBƏRLƏR

Çox oxunanlar