Contact Us

SON XƏBƏRLƏR

İran parlamentinin başçısı hökumətə Urmu gölü ilə bağlı çağırış etdi

2022.07.12, 08:12
İran parlamentinin başçısı hökumətə Urmu gölü ilə bağlı çağırış etdi

Gunaz.tv

"Urmu gölü strateji bir nöqtədir və onun məhv olması ölkənin iqtisadi, ekoloji və kənd təsərrüfatı imkanlarını qarşısı alınmaz səviyyədə məhv edə biləcək mənfi təsirlər göstərə, ölkənin bir hissəsində yaşayışa problemlər yarada bilər"-deyə, Qalibaf iyulun 12-də parlamentin açıq iclasında bildirib.

O, gölün probleminin qarşısının alınmasının vacibliyi barədə danışıb və hökumətdən bu yöndə addımlar atmasını xahiş edib.

Parlament sədri bu gün gölün bərpası üçün ayrılan büdcəyə məhdudiyyət qoyulmasının gələcəkdə daha çox vəsait itkisinə səbəb olacağı barədə xəbərdarlıq edib.

Qeyd edək ki, bir sıra İran rəsmilərinin son günlər Urmu gölü ilə bağlı çıxışları, gölün quruması ilə bağlı qayğılarını dilə gətirmələri və Urmu Gölünün Bərpası Qərargahını hədəfə almaları mühafizəkar və islahatçı qanad arasında davam edən toqquşmanın nəticələrindən biri kimi dəyərləndirilir.

Keçmiş prezident Həsən Ruhani dövründə yaradılan Urmu Gölünün Bərpası Qərargahına ayrılan vəsaitlərin xərclənməsinin araşdırılması ilə bağlı təkliflər və qurumun yarıtmazlığı barədə çıxışlar, Urmu gölünə qayğıdan daha çox, hazırkı hakimiyyətin keçmiş islahatçı komandanı dahada nüfuzdan salmasına xidmət edir.

Halbuki İbrahim Rəisi ötən il prezident seçkiləri ilə bağlı təbliğat və təşviqat kampaniyası dövründə Qərbi Azərbaycan əyalətinə səfəri zamanı prezident seçiləcəyi təqdirdə Urmu gölünün bərpası işlərinin bir neçə aya tamamlanacağı ilə bağlı vədlər vermişdi.

İbrahim Rəisi komandası hazırda ölkədə mövcud olan iqtisadi, ictimai və siyasi problemlərin hamısının keçmiş hökumətin yarıtmazlığının nəticəsi olduğunu iddia edir. 

Cavidan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar