“Əbülfəz Zöhrəvənd əslində İran dövlətinin mövqeyini ifadə edir”- Əhməd Obalı-VİDEO

SON XƏBƏRLƏR

“Əbülfəz Zöhrəvənd əslində İran dövlətinin mövqeyini ifadə edir”- Əhməd Obalı-VİDEO

2022.08.23, 18:11

Gunaz.tv

Beynəlxalq məsələlər üzrə ekspert, İranın nüvə danışıqları heyətinin keçmiş üzvü və bu ölkənin İtaliyadakı keçmiş səfiri Əbülfəz Zöhrəvənd Cənubi Qafqaz və bölgədə baş verənlərlə bağlı müsahibəsində Azərbaycan Respublikasına qarşı hədyanlar səsləndirib.
Əhməd Obalı Əbülfəz Zöhrəvəndin çıxışlarını şərh edib.

“Əbülfəz Zöhrəvənd İranın diplomatı olub. Amma indi diplomatdan üstün bir şəxsdir. Bu adam keçmişdə Əfqanıstanda, İtaliyada səfir olub. Bir neçə dil bilir.

Eyni zamanda SEPAH-ın Qüds ordusunun üzvüdür. Bu qrupun terror fəaliyyəti ilə məşğul olması kiməsə sirr deyil. Bu üzdən Əbülfəz Zöhrəvənd həm də rəsmən bir terrorçudur.

Xameneyinin 12-13 siyasi müşaviri var, Əbülfəz Zöhrəvənd onlardan biridir. Qasım Süleymani ölmədən öncə Qüds qrupu bir fikir mərkəzi yaratdı. Əbülfəz Zöhrəvənd bu gün də İranın dərin siyasətini müəyyən edən adamlardan biridir”- deyə, Günaz.Tv-nin rəhbəri bildirib.

Əhməd Obalı bildirib ki, Əbülfəz Zöhrəvəndin adi diplomat kimi təqdim olunması doğru deyil:

“Əbülfəz Zöhrəvəndin son açıqlamaları əslində İrançılıq və farsçılıq mentalietinin bariz nümunəsidir. Mən əminəm ki, onun dediklərini İran elitasındakı insanların hamısı qəbul edir.

Əbülfəz Zöhrəvəndin bu çıxışı ictimai rəyə çıxmamalı idi. Dostları ilə danışırmış, səs qeydi gizlicə yayılıb.

İbrahim Rəisi prezident olandan sonra hakimiyyət demək olar ki, Qüds qrupunun əlinə keçib. Əbülfəz Zöhrəvəndin dedikləri əslində İran rəsmilərinin mövqeyidir. Onun çıxışı əslində İranı tanımaq üçün bizim üçün yaxşı bir fürsətdir.

Bəziləri deyir ki, “İran qonşudur, İranla yaxşı davranmaq lazımdır”. Onun çıxışı İranın iç üzünü açır. Bəlli olur ki, İran bizə düşmənçilik siyasəti yeridir”.

Əhməd Obalı Əbülfəz Zöhrəvəndin Zəngəzur dəhlizi ilə bağlı fikirlərinə də toxunub.

“Aşağı Qarabağ deyəndə o, Füzuli və Cəbrayıl bölgələrinin azad olunmasını nəzərdə tutur. Deyir ki, ora azad olunsa da, azərbaycanlılar ora qayıda bilsələr də, gərək hakimiyyət İrəvanın əlində qalsın. Sonra o azərbaycanlıları təhqir edir. Deyir ki, “bu zatı xarab (torke bədzad) türklər heç şiəliyə də biz istəyən kimi bağlı deyillər”.

Onun bu fikirləri göstərir ki, şiə olsaq belə türkləri qəbul etmirlər. Bu nifrət Firdovsidən gəlib.

O yazırdı ki, “türklər zatı xarabdır”. İran ideoloqları deyir ki, ya bu millət farslaşmalıdır, ya da buradan çıxıb getməlidir. Sərhədlərin pozulmasından narahatdırlar. 28 il idi ki, sərhədlər pozulmuşdu. İran buna etiraz edirdimi? Təbii ki yox. Əbülfəz Zöhrəvənd açıq deyir ki, Türkiyə ilə Azərbaycanın quru əlaqələrinin açıqlmasına razı olmamalıyıq.

Deyir ki, hətta tunel qazıb yerin altından yol çəksələr, ona da mane olmalıyıq.

Açıq mövqe bildirir ki, Naxçıvan və Türkiyə yolu İranın əlində olmalıdır”-Günaz.TV-nin rəhbəri belə deyib.

GUNAZ.TV

SON XƏBƏRLƏR