"İran Xoyda soydaşlarımıza düşmən kimi yanaşır, bizi sahibsiz qoymayın"-Əhməd Obalı Azərbaycan dövlətinə müraciət etdi-VİDEO

SON XƏBƏRLƏR

"İran Xoyda soydaşlarımıza düşmən kimi yanaşır, bizi sahibsiz qoymayın"-Əhməd Obalı Azərbaycan dövlətinə müraciət etdi-VİDEO

2023.01.29, 19:19

Gunaz.tv

“İki həftə əvvəl Güney Azərbaycanın Xoy şəhərinin ətrafında zəlzələ oldu. Onlarla soydaşımız evsiz qaldı. Bölgədən çəkilən video-görüntülərdən aydın olur ki, onların əksəriyyəti hələ də konteynerlər (kaneks) əldə edə bilməyiblər.

Qışın soyuğunda çadırlarda qalırlar.

Dünən baş verən zəlzələ nəticəsində 973 nəfər yaralanıb, ölənlər var. 70 kənd dağılıb. Bəzi kəndlər tamam dağılıb. Şəhərin özündə dağıntılar var. İranın verdiyi rəsmi rəqəmlər reallığı əks etdirmir.

Dağıntıları 3 dəfə az göstərirlər. 100-dən çox kənd dağılıb. Yarallar 1000-dən çoxdur. Qışın soyuğunda evsiz qalmış insanlara konteynerlər quraşdırılmalıdır.

Onlar istiliklə, zəruri ləvazimatlarla təchiz edilməlidir. Lakin İran hökuməti adətinə sadiq qalaraq insanların taleyinə biganə yanaşır. Soydaşlarımız bilərəkdən qışın soyuğunda çadırlarda dondurulur”.

Günaz. TV-nin rəhbəri Əhməd Obalı Güney Azərbaycanda zəlzələdən zərərçəkənlərə yardım üçün Azərbaycan Respublikasının Prezidenti İlham Əliyevdən kömək istəyib:

"Azərbaycan dövlətinə və prezidentinə müraciət edirəm. Prezidentimiz millətimizi sahibsiz qoymasın. Bu şiddətli soyuqda İran dövləti bizə öz vətəndaşı kimi yox, düşməni kimi yanaşır. "Hizbullah"a və başqa terror təşkilatlarına silah və maliyyə dəstəyi verir.

Xoy və ətrafında olna soydaşlarımıza yardıma dəvət edirəm".

Qeyd edək ki, Qərbi Azərbaycan əyalətinin Xoy şəhərində baş vermiş zəlzələdə xəsarət alanların sayı 970 nəfərə çatıb.

Zəlzələ nəticəsində 3 nəfər ölüb, 973 sakin isə yaralanıb. İran Qızıl Aypara Cəmiyyətinin rəhbəri isə təbii fəlakətin baş verdiyi ərazidən 122 nəfərin yaralandığını açıqlayıb.

Qeyd edək ki, dağıntıların meydana gəldiyi Xoy Azərbaycan türklərinin kompakt yaşadığı şəhərlərdən biridir.Xatırladaq ki, yanvarın 28-də saat 22:14-də Naxçıvan stansiyasında 108 km cənubda, İran ərazisində zəlzələ qeydə alınıb.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzi bildirib ki, maqnitudası 6,2 olan yeraltı təkanların dərinliyi 10 km olub.

Ayxan

GUNAZ.TV

SON XƏBƏRLƏR