Contact Us

SON XƏBƏRLƏR

"İranda radikal dəyişikliyin you referendumdan keçir"-Nəsrin Sütudə

2023.05.23, 16:45
"İranda radikal dəyişikliyin you referendumdan keçir"-Nəsrin Sütudə

Gunaz.tv

Nəsrin Sütudə və həyat yoldaşı Rza Xəndan İranda “qadın, yaşam, azadlıq” hərəkatı barədə fikirlərini bildiriblər.

N.Sütudə İranda kardinal dəyişiklikliklərin baş verməsi üçün ədalətli və azad referandumun keçirilməsini zəruri hesab edib.

“Referendum isə dünya standartlarına əsaslanmalı və hamı öz düşüncəsini sərbəst ifadə edə bilməlidir”-deyə Sütudə vurğulayıb.

Amerikada qaradərilərinin hərəkatını yada salan Sütudə deyib: “Bu hərəkatın nəticəsində amerikalılar özlərinə yenidən baxdı və qərar aldılar ki, heç bir xalqın qaradərililərlə belə sərt davranmağa haqqı yoxdur".  

Nəsrin Sütudə deyib ki, referendum gerçək demokratik azadlıqlara aparmalıdır: "Biz də İranda özümüzə belə bir sual verməliyik. Fərz edək ki, sərbəst və ədalətli referendum keçirə bildik. 

Bu halda görəsən demokratiyaya çata biləcəyikmi?”.

Qeyd edək ki, Nəsrin Sütudənin bu sözləri İranda şah rejimini bərpa etmək niyyətində olan Rza Pəhləvini hədəfə alır.

Sütudənin qrafika dizayneri olan həyat yoldaşı Rza Xəndan da mövzu ilə bağlı fikirlərini bildirib.  

“Bu ideyanın kiçik sayda olan və xaricdə yaşayan İran hökumətinə müxaliflər tərəfindən mənimsənilməsi narahatlıq doğurur. 

Onlar sabiq Şahın oğlu Rza Pəhləvi ətrafında birləşiblər. Onların səsi xarici media orqanlarına çatır, opportunist və eyni halda zəngindirlər. Həmçinin dünyada güclü əlaqələrə malikdirlər”-deyə Xəndan fikir bildirib.

Rza Xəndan deyib ki, buna baxmayaraq onların iranlılarla və xüsusən bu hərəkatın fəalları ilə əlaqələri kəsilib.

"Şahçilar qalıb gələrsə qorxuram bir dini hökumətdən sekulyar diktaturaya doğru gedək"-deyə Rza Xəndan əlavə edib. 

Taymaz
 

Açar Sözlər :

SEÇİLMİŞ XƏBƏRLƏR

Çox oxunanlar