Contact Us

SON XƏBƏRLƏR

İranın mənzil bazarında kəskin bahalaşma

2023.06.12, 15:06
İranın mənzil bazarında kəskin bahalaşma

İranda insanların üzləşdiyi ən ağır sosial problemlərdən biri də ev almaq və kirayələməkdir. Belə ki, son illərdə bu sahədə qiymətlər əhəmiyyətli dərəcədə artıb.

Gunaz.tv

AzVision.az xəbər verir ki, Tehran meri Əlirza Zakani keçirdiyi mətbuat konfransında İranda mənzil qiymətlərinin və kirayə qiymətlərinin artımının başgicəlləndirici dərəcədə yüksək olduğunu deyib.

Onun sözərinə görə, minimum əmək haqqı ilə layiqli ev kirayələmək xəyal, ev almaq isə xəyaldan kənar olub.

Bu sahədə ən pis dövr son beş illə bağlıdır. Təkcə İbrahim Rəisi hökuməti dövründə mənzil qiymətləri 70% artıb. Həsən Ruhaninin səkkiz illik prezidentliyi dövründə mənzillərin qiyməti 2013-cü ildəki hər kvadratmetr üçün 3 milyon 800 min tüməndən 2021-cü ildə 30 milyon tümənə yüksəlib.

İranda orta kirayəçilik nisbəti 1986-ci ildəki 12%-dən 2020-ci ildə 38%-ə qədər yüksəlib. Bu il Tehran 43%-lik kirayəçilik nisbəti ilə ölkədə birinci yeri tutur.

“Məclis” araşdırmalar mərkəzinin yaydığı məlumatda Tehranda mənzillərin qiymətinin son 5 ildə 9,5 dəfə, minimum əmək haqqının isə cəmi 6 dəfə artdığı bildirilir.

Bu hesabata əsasən, Tehranda yaşayış binasının hər kvadratmetrinin orta qiyməti 2016-2022-ci illər arasındakı dövrdə 5 milyon tüməndən 48 milyon tümənə qalxdığı deyilir.

Eyni dövrdə işçilərin minimum əmək haqqı isə 1 milyon 125 min tüməndən 6 milyon 725 min tümənə yüksəlib.

Ayxan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar