İran Suriyada bölücülük edir: "Gənclərin beynini yuyur, məzhəbçiliyi yayırlar"

SON XƏBƏRLƏR

İran Suriyada bölücülük edir: "Gənclərin beynini yuyur, məzhəbçiliyi yayırlar"

2023.06.17, 14:33

İran Suriyanın Deyr əz-Zövr əyalətində əhaliyə pulsuz təlim və səhiyyə xidmətləri göstərən mədəniyyət mərkəzləri əslində öz təxribatçı məqsədlərini reallaşdırır.

Gunaz.tv

Suriyalı müxaliflər bildirib ki, İran bu əyalətdə əhalinin hədsiz kasıb olmasından sui-istifadə edərək qida məhsulları paylamaqla müxtəlif "mədəni planlar" adı altında məzhəbçiliyi təbliğ edir.

Qeyd edək ki, İranın əsas mədəniyyət mərkəzi 2018-ci ildə Suriyanın Deyr əz-Zövr əyalətində təsis edilib.

SEPAH üzvlərindən biri Hacı Rəsul 2022-ci ilin fevralında bu mərkəzə yeni sədr təyin edilib.

İrana bağlı xeyriyyə təşkilatları, o cümlədən "Quruculuğa çağırış" mənasında olan “Cahad Sazəndigi” rejimin təxribatçı planlarını həyata keçirir.

Bu qurum Livan "Hizbullah"ına yardımlar etdiyinə görə Amerika tərəfindən terrorçu təşkilat kimi tanınıb.

"İranın Mədəniyyət Mərkəzi 18 yaşından aşağı gənclərə pulsuz təlimlər keçməklə və aylıq ödənişlər etməklə onları cihada hazırlayır"- Britaniyada yerləşən Suriya Monitorinq Qurumu may ayında yaydığı məlumatda bildirib.

Ərəbdilli “İran İnsayder” qəzeti isə bu gəncləri “İranın Suriyaya keçid qapısı” adlandırıb.

Yerli əhali şikayət edərək bildirib ki, İranın mədəniyyət mərkəzləri sünni əhali arasında şiəliyi təbliğ edir. Hətta yerli məscidlər və “Hüseyniyyə” tikdirərək onlara tarixi şiə simalarının adlarını qoyur.

Həmçinin məscidlərdə şiə azanı səsləndirilir.

Suriyalılar düşünür ki, İranın bu əyalətdə mədəniyyət mərkəzləri yardımlar adı altında “cənclərin beynini yumaqla” məşğuldur.

“İran Suriyada qalıcı olmaq üçün öz planlarını səssizcə həyata keçirir.

Lakin Suriyada daxili müharibəyə son qoyulması üçün siyasi çözüm yolu tapılarsa İran Suriyanı tərk etməli olacaq.

Deyr əz-Zövr əyalətində dövlət rəsmiləri hər hansı rəsmi planı keçirmək istəsələr bu, İranın Mədəniyyət Mərkəzinin iştirakı olmadan mümkün olmur.

Mərkəz islam adı ilə uşaqlara fars dilini öyrədir”-bunu suriyalı siyasi ekspert Bədr Səfif deyib.

O, İranın Suriyada hərbi fəaliyyətləri və yarım hərb qüvvələri himayə etməsi barədə danışarkən belə deyib.

Qeyd edək ki, molla rejimi İran şovinizminin yayılmasına əsas vasitə olan fars dilinin ölkə daxilində və xaricdə inkişafı məqsədilə böyük maliyyə vəsaiti ayırır.

Taymaz