Contact Us

SON XƏBƏRLƏR

İranda dərman qıtlığı kəskinləşib

2023.06.26, 11:55
İranda dərman qıtlığı kəskinləşib

İranda dərman qıtlığı daha da kəskinləşib. İranın mediası bildirir ki, dərman qıtlığı ötən illə müqayisədə daha tez baş verib. İlin ilk 3 ayında ölkə bazarında 200 çeşiddən artıq dərman preparatı qəhətə çəkilib.

Gunaz.tv

Lakin İranın Qida və Dərman Təşkilatının sədri bu ölkənin dərman bazarında “çatışmazlığın olmadığını” deyib.

İranın İnsan Dərmanları Sənaye Sahibləri Həmkarlar İttifaqının sədri Məhəmməd Əbdəzadə isə bu barədə açıqlamasında problemin öncədən proqnozlaşdırıldığını deyib: “Dərman çatışmazlığının olacağını əvvəlcədən görürdük.

Bütün orqanlar, o cümlədən Səhiyyə Nazirliyi bu barədə məlumatlı olmuşdu. Nazirlik bilirdi ki, iyun və iyul aylarında dərman çatışmazlığı artacaq".

Qeyd edək ki, İranda iyun və iyul ayları bu ölkədə itifadə olunan təqvimlə ilin 3 və 4-cü ayları sayılır.

Hazırda bir sıra reseptsiz satılan dərmanlar, o cümlədən "Bromhexine", "Guaifenesin" və göz damcıları apteklərdə tapılmır.

Habelə cərrahiyyə otağında istifadə olunan dərmanlar, o cümlədən "Albumin" də çatışmır.

"İdxal olunan dərmanların çoxunun istehsal müddəti var.

Eləcə də dərman üçün idxal olunan ilkin maddələr, o cümlədən antibiotiklərin ilkin maddələri də idxal olunub istehsal olunanadək 3-4 ay zamana ehtiyac olur.

Ona görə də hal-hazırda xəstələrin ehtiyacı olan dərmanlarla təmini imkanı azalıb"-Əbdəzadə belə deyib.

Qeyd edək ki, Əbdəzadə bir müddət öncə xəbərdarlıq etmişdi ki, cari il üçün dərman təminatı planına ayrılmış 69 min milyard tümən büdcə ancaq ilin 3 ayına çatacaq.

Taymaz
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar